បរទេស៖ ទីបំផុតការប្រឹងប្រែងវាយសម្រុករបស់ខ្សែប្រយុទ្ធវ័យ២៩ឆ្នាំ Karl Toko Ekambi រកបានគ្រាប់បាល់ពីរគ្រាប់នៅតង់ទីពីរ ចន្លោះត្រឹមតែ៥នាទី (៥០ និង ៥៧ )ដើម្បីជួយអោយម្ចាស់ផ្ទះកាមេរូនផ្តួល Gambia ដើម្បីកក់កៅអីឈានទៅវគ្គពាក់កណ្តាលផ្តាច់ព្រ័ត្រនៃពានរង្វាន់ Africa Cup of Nations កាលពីថ្ងៃសៅរ៏ទី ២៩ មករា ២០២២នេះ។
គួរបញ្ជាក់ថា Toko Ekambi អតីតកីឡាករVillareal ដែលកំពុងលេងអោយក្លឹប Lyon នៅ Ligue-1 បារាំងមានឪកាសតែតបញ្ចូលទីឲ្យក្រុមជម្រើសជាតិរបស់ខ្លួននាំមុខមុននៅនាទីទី៥០ ក្រោយការបញ្ជូនបាល់ពីស្លាបស្តាំរបស់ Collins Fai មុនពេល Toko Ekambi បន្ថែមគ្រាប់បាល់ទីពីរក្រោយការបញ្ជូនរបស់ Martin Hongla ។
កាមេរូននឹងប្រកួតជាមួយអេហ្ស៊ីប ឬម៉ារ៉ុកក្នុងវគ្គពាក់កណ្តាលផ្តាច់ព្រ័ត្រនៅថ្ងៃព្រហស្បតិ៍ ជាមួយនឹងការប្រកយតវគ្គផ្តាច់ព្រ័ត្រត្រូវរៀបចំធ្វើឡើងនៅថ្ងៃអាទិត្យចុងសប្តាហ៏ក្រោយបន្ទាប់ទៀត៕
ប្រភពព័ត៍មាន៖ BBC