បរទេស៖ ក្រុមបាល់ទាត់ជម្រើសជាតិ បានស្នើសុំដល់គណៈកម្មការរៀបចំការប្រកួត Africa Cup of Nations ក្នុងការពន្យារពេលការប្រកួតវគ្គផ្តាច់ព្រ័ត្រជាមួយនឹងក្រុមបាល់ទាត់ជម្រើសជាតិសេណេហ្គាល់ នៅចុងសប្តាហ៍នេះ ដើម្បីធ្វើឲ្យពួកគេមានពេលវេលាបន្ថែមទៀតសម្រាប់ការត្រៀមខ្លួន ក្រោយពីបានយកឈ្នះលើក្រុមម្ចាស់ផ្ទះកាមេរូន ដោយការស៊ុតបាល់ប៉េណាល់ទី ក្នុងការប្រកួតវគ្គពាក់កណ្តាលផ្តាច់ព្រ័ត្រ កាលពីថ្ងៃព្រហស្បតិ៍។
ក្រោយពីលោកគ្រូបង្វឹក Carlos Queiroz បានរងពិន័យកាតក្រហម អំឡុងពេលការប្រកួតវគ្គ១/២ផ្តាច់ព្រ័ត្រ លោក Diaa al-Sayed គ្រូបង្វឹកជំនួយរបស់ក្រុមជម្រើសជាតិអេហ្ស៊ីប បាននិយាយថា៖ «ខ្ញុំចង់បញ្ជាក់ប្រាប់គណៈកម្មការរៀបចំការប្រកួត Africa Cup of Nations ថា សេណេហ្គាល់ មានរយៈពេលច្រើនជាង១ថ្ងៃ ដើម្បីហ្វឹកហាត់ ហើយហេតុនេះ យើងគួរតែលេងការប្រកួតវគ្គផ្តាច់ព្រ័ត្រ នៅថ្ងៃចន្ទ»។
ក្រុមបាល់ទាត់ជម្រើសជាតិអេហ្ស៊ីប បានយកឈ្នះក្នុងលទ្ធផល ៣-១ ក្នុងការស៊ុតបាល់ប៉េណាល់ទីកាត់សេចក្តី ក្រោយពីបានបញ្ចប់ក្នុងលទ្ធផលស្មើ ០-០ បន្ទាប់ពីរយៈពេល១២០នាទី ក្នុងទីក្រុង Yaounde ស្របពេលដែលសេណេហ្គាល់ បានយកឈ្នះបួគីណាហ្វាសូ ក្នុងលទ្ធផល ៣-១ នៅម៉ោងធម្មតា ក្នុងរយៈពេល១ថ្ងៃមុនេះ។ ក្រុមជម្រើសជាតិ បានប្រកួតរហូតដល់នាទីបន្ថែម១៥នាទី២ដង និងស៊ុតបាល់ប៉េណាល់ទីកាត់សេចក្តី ដើម្បីទម្លាក់ក្រុមកូតឌីវ័រ ក្នុងវគ្គ១៦ក្រុមចុងក្រោយ មុននឹងផ្តួលម៉ូណាកូ ២-១ នៅនាទីបន្ថែម១៥នាទី២ដង ក្នុងវគ្គ៨ក្រុមចុងក្រោយ៕
ប្រភពព័ត៌មាន៖ worldsoccertalk