បរទេស៖ ខ្សែការពារស្លាបឆ្វេង Jordi Alba បានស៊ុតបាល់បញ្ចូលទីយ៉ាងល្អ ហើយ Dani Alves បានរងពិន័យកាតក្រហម ខណៈដែលក្រុម Barcelona បានបង្កើតការជឿជាក់ដ៏ធំចំពោះក្តីសង្ឃឹមរបស់ពួកគេ ក្នុងការបញ្ចប់ក្នុងចំណាត់ថ្នាក់កំពូលទាំង៤លើតារាងក្របខ័ណ្ឌ La Liga កាលពីថ្ងៃអាទិត្យ តាមរយៈការយកឈ្នះលើក្រុម Atletico Madrid ក្នុងលទ្ធផល ៤-២។
បន្ទាប់មក ក្រុម Real Madrid បានដណ្តើមយកប្រៀបលើការបញ្ចប់ក្នុងលទ្ធផលស្មើ ០-០ ជាមួយនឹងក្រុម Sevilla ជាមួយនឹងក្រុម Osasuna កាលពីថ្ងៃសៅរ៍ តាមរយៈការយកឈ្នះលើក្រុម Granada ទាំងលំបាកក្នុងលទ្ធផល ១-០ ដើម្បីបន្ថែមពិន្ទុនាំមុខរបស់ពួកគេលើកំពូលតារាង រហូតដល់ទៅ៦ពិន្ទុ។
ក្នុងពេលអវត្តមានខ្សែប្រយុទ្ធ Karim Benzema ដោយសារតែរបួស កីឡាករ Marco Asensio បានទម្លុះតំបន់ការពាររបស់ក្រុម Granada នៅនាទី ទី៧៤ នាកីឡដ្ឋាន Santiago Bernabeu។ ប៉ុន្តែ ក្រុម Barcelona បានបង្ហាញពីភាពមុតស្រួចជាង ខណៈដែលពួកគេបានស៊ុតបាល់បញ្ចូលទី៤គ្រាប់ក្នុងចន្លោះពេល៤០នាទី នាកីឡដ្ឋាន Camp Nou នៅមុនពេលរារាំងការវាយសម្រុកនៅចុងម៉ោងយ៉ាងល្អ ពីក្រុម Atletico ក្រោយពីខ្សែប្រយុទ្ធ Luis Suarez បានតែតបាល់បញ្ចូលទី១គ្រាប់ ហើយ Alves បានរងពិន័យកាតក្រហមក្នុងរយៈពេល២០នាទីចុងក្រោយ។ លោក Xavi Hernandez បានឲ្យដឹងថា៖ «ក្រុមនេះ អ្នកគាំទ្រ និងក្លិប ត្រូវការជ័យជម្នះបែបនេះ។ វាអាចនឹងក្លាយជាចំណុចផ្លាស់ប្តូរ ហើយយើងមិនអាចដើរថយក្រោយបានឡើយ»៕
ប្រភពព័ត៌មាន៖ Channel News Asia
