បរទេស៖ Sadio Mane បានបើកចំហរក្នុងការផ្ទេរទៅកាន់ក្លឹប Barcelona ឬ Real Madrid នៅរដូវក្តៅនេះ បន្ទាប់ពីកីឡាករ Liverpool រូបនេះនៅឡើយបន្តកុងត្រា នៅ Anfield បន្ថែមលើកិច្ចសន្យាចាស់ដែលមានសុពលភាពត្រឹមឆ្នាំ ២០២៣នៅ ឡើយទេ ។គួរបញ្ជាក់ថាខ្សែប្រយុទ្ធស្លាប វ័យ ២៩ ឆ្នាំរូបនេះទើបតែជួយអោយសេណេហ្គាល់ក្លាយជាជើងឯក Africa Cup of Nations ក្រោយជ័យជំនះដោយបាល់ប៉េណាល់ទីក្នុងវគ្គផ្តាច់ព្រ័ត្រទល់នឹងអេហ្ស៊ីប ហើយរូបគេបានក្លាយជាកីឡាករឆ្នើមសម្រាប់ការប្រកួតនេះផងដែរ។
យោងគេហទំព័រ Goal បានឱ្យដឹងថា Mane នឹងសុខចិត្តចាកចេញពី Liverpool ដើម្បីស្វែងរកឪកាសប្រកួតប្រជែងថ្មីនៅ Barcelona ឬ Real Madrid ស្របពេលសាម៉ីខ្លួនមានក្តីសុបិន្ត ចង់លេងនៅលីកកំពូលអេស្បាញ ។ប្រភពបន្តថាៈ អតីតកីឡាករ Southampton បានជូនដំណឹងដល់ភ្នាក់ងាររបស់គាត់អំពីជំហរក្នុងការចាកចេញ ខណៈLiverpool មិនទាន់បើកការពិភាក្សាលំអិតជាមួយ Mane ជុំវិញកិច្ចព្រមព្រៀងថ្មីនៅឡើយទេ ។
Mane រកបាន១០ គ្រាប់ និង assist មួយគ្រាប់ក្នុង ២៦ ប្រកួតសម្រាប់ហង្សក្រហមនៅរដូវកាលនេះ ហើយបានឈ្នះ Premier League, Champions League, Club World Cup និង UEFA Super Cup កំឡុងពេលប្រកបអាជីពនៅ Anfield ។ក្រោយមានប្រវត្តិបង្ហាញខ្លួនអោយជម្រើសជាតិបាន៨៦លើកMane ក៏បានស៊ុតបញ្ចូលទីបាន ១០៧ គ្រាប់ និង assists ៤៤ ចាប់តាំងពីបានមកដល់ទឹកដី Merseyside នៅរដូវក្តៅឆ្នាំ២០១៦ ទោះយ៉ាងណា លោក Jurgen Klopp បានបញ្ជាក់ថាManenនៅមិនទាន់បង្ហាញខ្លួនពេលប្រកួតជាមួយLeicester City ក្នុងការប្រកួត Premier League នៅថ្ងៃព្រហស្បតិ៍នោះទេ៕
ប្រភពព័ត៍មាន៖ Sportsmole