បរទេស៖ លោក Jurgen Klopp បាននិយាយថា Liverpool មានក្រុមដ៏ខ្លាំងបំផុតក្នុងរជ្ជកាលដឹកនាំរបស់លោកនៅ Anfield ខណៈដែលគ្រូបង្វឹកសញ្ជាតិអាល្លឺម៉ង់រូបនេះ ស្ថិតក្នុងការប្រជែងពាន៤ក្នុងរដូវកាលតែមួយ ជាលើកដំបូង។
លោក Klopp កំពុងតែស្ថិតក្នុងទីតាំងយ៉ាងល្អជាមួយនឹង Liverpool ដែលកំពុងតែប្រជែងដណ្តើមពានក្របខ័ណ្ឌ Premier League ស្របពេលដែលពួកគេក៏កំពុងតែត្រៀមសម្រាប់ការប្រកួតក្របខ័ណ្ឌ Champions League វគ្គ១៦ក្រុមចុងក្រោយ ជាមួយនឹងក្រុម Inter Milan នៅសប្តាហ៍ក្រោយ ផងដែរ។ ក្រុមហង្សក្រហមមួយនេះ ក៏នឹងត្រូវប្រកួតដណ្តើមពាន League Cup វគ្គផ្តាច់ព្រ័ត្រ ជាមួយនឹងក្រុម Chelsea និងការប្រកួតពាន FA Cup ជុំទី៥ ជាមួយនឹងក្រុម Norwich ផងដែរ។
កាលពីមុន លោក Klopp មិនធ្លាប់មានឱកាសក្នុងការឈ្នះពាន៤ធំៗ ក្នុងរដូវកាលតែមួយឡើយ ហើយគ្រូបង្វឹករបស់ Liverpool រូបនេះ ជឿជាក់ថា វាអាស្រ័យទៅលើគុណភាព និងភាពខ្លាំងរបស់ក្រុមរបស់លោក ដែលត្រូវបានរៀបចំឡើងនៅកីឡដ្ឋាន Anfield។ ការចូលរួមរបស់កីឡាករថ្មីគឺខ្សែប្រយុទ្ធអន្តរជាតិកូឡុំប៊ី Luis Diaz កាលពីខែមករា បូករួមទាំងការវិលត្រឡប់របស់ Sadio Mane និង Mohamed Salah ពីកាតព្វកិច្ចក្នុងយុទ្ធនាការ Africa Cup of Nations នឹងធ្វើឲ្យលោក Klopp មានជម្រើសខ្សែប្រយុទ្ធជាច្រើន រហូតដល់បញ្ចប់រដូវកាលនេះ។ លោក Klopp បានឲ្យដឹងថា៖ «ពិតណាស់ នេះគឺជាក្រុមដ៏ខ្លាំងបំផុត ហើយយើងក៏មានការសង្ស័យដែរ។ វានឹងក្លាយជារឿងដែលមិនសមហេតុផល ប្រសិនបើមិនមែនបែបនេះ បើមិនដូច្នោះទេ យើងនឹងកាន់តែទន់ខ្សោយ ក្នុងរយៈពេលប៉ុន្មានឆ្នាំចុងក្រោយនេះ»៕
ប្រភពព័ត៌មាន៖ Channel News Asia
