បរទេស៖ Gareth Bale បានយល់ព្រមលើកិច្ចព្រមព្រៀងដើម្បីវិលត្រលប់ទៅចូលរួមជាមួយអតីតក្លឹប Tottenham Hotspur វិញនៅពេលបញ្ចប់រដូវកាលនេះពោលគឺមុនពេលកិច្ចសន្យារបស់ខ្លួនរយៈពេលពេល៣ខែដែលនិងឈានដល់ទីបញ្ចប់នៅខែមិថុនា ២០២២ខាងមុខ យោងការចុះផ្សាយរបស់ El National។
ខ្សែប្រយុទ្ធស្លាបក្រុមអធិរាជសReal Madrid បច្ចុប្បន្នមានវ័យ៣២ ឆ្នាំរូបនេះបានចាកចេញពីក្រុម ដែលមានមូលដ្ឋាននៅទីក្រុងឡុងដ៏ភាគខាងជើងទៅចូលរួមជាមួយ Real Madrid ក្នុងឆ្នាំ ២០១៣ មុនពេលវិលត្រលប់មកវិញក្នុង លក្ខខ័ណ្ឌខ្ចីជើងកាលពីរដូវកាលមុនដោយស៊ុតបញ្ចូលទីបាន១៦គ្រាប់ គ្រប់ ការប្រកួតទាំងអស់។ Bale បានបង្ហាញខ្លួនត្រឹមតែបីដងប៉ុណ្ណោះសម្រាប់ក្រុម Real Madrid ក្នុងអំឡុងយុទ្ធនាការរដូវកាលនេះ ក្រោយមិនជាប់ជម្រើស១១នាក់ដំបូងសម្រាប់ក្រុម លោក Carlo Ancelott ដោយបង្ហាញខ្លួនលើកចុងក្រោយ បំផុត ពេលប្រកួតជាមួយ Real Betis នៅក្របខណ្ឌ La Liga កាលពីខែសីហាឆ្នាំមុន។
កីឡាករសញ្ជាតិវេលស៍រូបនេះមិនមានវត្តមានសម្រាប់ការចាប់ផ្តើមរដូវកាលនេះរយៈពេលដ៏យូរ ដោយសារតែបញ្ហារបួស និង ការឆ្លងCOVID-១៩ប៉ុន្តែគាត់បានក្លាយជាកីឡាករបម្រុងតែមិនត្រូវបានដាក់អោយចូលលេង សម្រាប់ការប្រកួតលីកពីរចុងក្រោយពេល ជួប Elche និង Granada៕
ប្រភពព័ត៍មាន៖ Sportsmole
