បរទេស៖ ខ្សែបម្រើដ៏មានឥទ្ធិពល Christian Eriksen បានបញ្ជាក់ថា រូបគេមិនអាចក្នុងការវិលទៅលេងកីឡាបាល់ទាត់អាជីពកម្រិតខ្ពស់ឡើយ ប៉ុន្តែ ជឿជាក់ថា វាគួរតែនៅសល់ពេលត្រឹមតែប៉ុន្មានសប្តាហ៍ទៀតប៉ុណ្ណោះ នៅមុនពេលរូបគេបង្ហាញខ្លួនជាលើកដំបូងរបស់គេសម្រាប់ក្រុម Brentford។
តារាឆ្នើមអន្តរជាតិដាណឺម៉ាករូបនេះ បានចូលរួមជាមួយនឹង Brentford នៅថ្ងៃចុងក្រោយនៃការដោះដូរកីឡាករកាលពីខែមករា ក្រោយពីចាកចេញពីក្លិប Inter Milan ក្រោមការព្រមព្រៀងគ្នាទាំងសងខាង កាលពីខែធ្នូ។ Eriksen បានជួបបញ្ហាគាំងបេះដូង នៅលើទីលានប្រកួត នាព្រឹត្តិការណ៍ Euro ឆ្នាំ២០២០ កាលពីខែមិថុនា និងត្រូវតែដាក់បំពាក់ឧបករណ៍ចាក់បេះដូងដែលអាចផ្សាំបាន (ICD)។
ការប្រើប្រាស់ ឧបករណ៍ចាក់បេះដូងដែលអាចផ្សាំបាន (ICD) មិនត្រូវបានអនុញ្ញាតឡើយក្នុងកីឡាបាល់ទាត់អ៊ីតាលី ប៉ុន្តែ មិនមានការហាមឃាត់ក្នុងប្រទេសអង់គ្លេសឡើយ ដែលអនុញ្ញាតឲ្យ Eriksen វិលទៅកាន់ក្របខ័ណ្ឌ Premier League វិញ ក្រោយពីបានចំណាយពេលអស់៧ឆ្នាំជាមួយនឹងក្លិប Tottenham នៅចន្លោះឆ្នាំ២០១៣ និង២០២០។ Eriksen បានប្រាប់ទូរទស្សន៍ BBC ថា៖ «ខ្ញុំមិនមានអារម្មណ៍ភ័យខ្លាចឡើយ។ ខ្ញុំមិនមានអារម្មណ៍ថា ខ្ញុំមាន ICD ឡើយ ហេតុនេះ ប្រសិនបើមានការប៉ះពាល់លើឧបករណ៍ ICD ខ្ញុំដឹងថា វានៅតែមានសុវត្ថិភាព»៕
ប្រភពព័ត៌មាន៖ BBC
