បរទេស៖ Man. Utd បានបញ្ជាក់យ៉ាងច្បាស់ថាពួកគេនឹងបំពេញតាមការទាមទារប្រាក់ឈ្នួលដ៏ច្រើនរបស់ Antonio Rudiger នៅពេលបញ្ចប់រដូវកាលនេះក្រោយពីខ្សែការពារកណ្តាល Chelsea នឹងផុតកុងត្រាជាមួយក្រុមជើងឯក Champion League នៅខែមិថុនា២០២២។ ក្រៅពីកីឡាករអន្តរជាតិអាឡឺម៉ង់ខាងលើនៅមានប្រធានក្រុម Cesar Azpilicueta និង ខ្សែការពារ Andreas Christensen នៅមិនទាន់បន្តកិច្ចព្រមព្រៀងកុងត្រាថ្មីនៅឡើយ។
Rudiger វ័យ ២៨ ឆ្នាំ ត្រូវបានគេហទំព័រ Football Insider ចុះផ្សាយថា Chelsea មិនបានរារាំង Man United ពីការពិភាក្សាអំពីការផ្លាស់ប្តូរដ៏មានសក្តានុពលសម្រាប់ Rudiger មុនពេលកុងត្រារបស់ខ្លួនផុតកំណត់នៅ Stamford Bridge ។លក្ខខណ្ឌនោះត្រូវបានបញ្ជាក់ពីការរួមបញ្ចូលប្រាក់ឈ្នួលលើសពី ៣០០,០០០ ផោនក្នុងមួយសប្តាហ៍ដែលនឹងនាំ Rudiger និងក្លាយជាកីឡាករដែលរកចំណូលបានច្រើនបំផុតនៅទឹកដី Old Trafford។
ទោះបីជាមានការចាប់អារម្មណ៍ពីក្លឹបគូប្រជែងនៅក្របខណ្ឌ Premier League និង លីកកំពូលដ៏ទៃទៀត នៅលីកកំពូលអឺរ៉ុប ក្រុមលោក Thomas Tuchel នៅតែមានជំនឿចិត្តបន្តកុងត្រាថ្មីសម្រាប់កីឡាករឆ្នើម រូបនេះ បន្តទៀត៕
ប្រភពព័ត៍មាន៖ Sportsmole