បរទេស៖ ក្រុម Bochum បានធ្វើឲ្យក្រុមកំពូលតារាង Bayern Munich ស្រឡាំងកាំង ខណៈដែលក្រុមការពារតំណែងជើងឯកមួយនេះ បានរបូតគ្រាប់បាល់ចំនួន ៤ គ្រាប់ មុនពេលបញ្ចប់ការប្រកួតតង់ទី១នៅក្របណ្ឌ Bundesliga។
ខ្សែប្រយុទ្ធជើងចាស់ Robert Lewandowski បានជួយឱ្យ Bayern Munich នាំមុខមុន មុនពេល Christopher Antwi-Adjei រកគ្រាប់បាល់វាយបកតាមស្មើ ខណៈ អតីតខ្សែប្រយុទ្ធ Brighton កីឡាករ JurgenLocadiaបន្ថែមគ្រាប់បាល់ ប៉េណាល់ទីនាំមុខគ្រាប់ទីពីរ មុនពេល Cristian Gamboa និង Gerrit Holtmann បន្ថែមម្នាក់១គ្រាប់ ទៀតដ៏ ល្អ ពី ចំងាយ ចំគោលដៅ ផងដែរ។ ទោះយ៉ាងណាការខិតខំប្រឹងប្រែងរបស់ Lewandowski ជិតបញ្ចប់ការប្រកួត តង់ទីពីរ មិន អាច ស្តារ ស្ថានការបាននោះទេ។វាជាបរាជ័យ លើកទីបួនក្នុងការប្រកួតលីកកំពូល២២ដង នៅរដូវកាលនេះសម្រាប់ Bayern Munich ទោះបីកំពុងនាំមុខប្រាំបួនពិន្ទុនៅលើកំពូលតារាង ខណៈក្រុមលេខ២Dortmund ត្រៀមជួប Union Berlin នៅថ្ងៃ អាទិត្យនេះ។
គួរបញ្ជាក់ថាBochum បានវិលទៅកាន់ក្របខ័ណ្ឌកំពូលរបស់អាឡឺម៉ង់បន្ទាប់ពីអវត្តមានអស់រយៈពេល ១១ ឆ្នាំប៉ុន្តែហើយ បានអបអរជ័យជម្នះលើកដំបូងរបស់ពួកគេលើក្រុម Bayern Munich ក្នុងរយៈពេល ១៨ឆ្នាំ។លើកចុងក្រោយបំផុតសម្រាប់ Bayern Munich ពេលរបូតគ្រាប់បាល់នៅតង់ទី១ច្រើនបំផុតគឺពេលចាញ់ Eintracht Frankfurt ៦ទល់និង០ ក្នុងខែវិច្ឆិកា នៅឆ្នាំ១៩៧៥៕
ប្រភពព័ត៍មាន៖ BBC