បរទេស៖ ខ្សែប្រយុទ្ធ Erling Haaland របស់ក្លិប Borussia Dortmund ត្រូវបានរំពឹងទុកថា នឹងនៅតែអវត្តមាន ក្នុងពេលក្រុមរបស់ខ្លួនប្រកួតជាមួយនឹងក្រុម Rangers ក្នុងក្របខ័ណ្ឌ Europa League វគ្គ១៦ក្រុមចុងក្រោយ នៅរាត្រីនេះ បើទោះបីបានវិលទៅហ្វឹកហាត់ជាមួយនឹងក្រុមវិញក៏ដោយ។
ទាក់ទងនឹងខ្សែប្រយុទ្ធអន្តរជាតិន័រវែសរូបនេះដែលបានអវត្តមានតាំងពីថ្ងៃទី២២ ខែមករា ដោយសារតែបួសសាច់ដុំ លោក Marco Rose បាននិយាយកាលពីថ្ងៃពុធថា «រូបគេមិនមែនជាជម្រើសមួយឡើយ»។ ទោះបីជាយ៉ាងណា Haaland ទំនងដូចជាអាចវិលទៅប្រកួតវិញបានឡើយ ខណៈដែលទស្សនាវដ្តី Kicker បានចេញផ្សាយកាលពីថ្ងៃពុធថា រូបគេបានចូលរួមក្នុងវគ្គហ្វឹកហាត់ចុងក្រោយដ៏សំខាន់របស់ក្រុមខ្លួន នៅមុនពេលប្រកួតជាមួយនឹងក្រុម Rangers។
SINSHEIM, GERMANY – JANUARY 22: Erling Haaland (R) of Dortmund is injured during the Bundesliga match between TSG Hoffenheim and Borussia Dortmund at PreZero-Arena on January 22, 2022 in Sinsheim, Germany. (Photo by Markus Gilliar/GES-Sportfoto/Getty Images)
លោក Rose ក៏នឹងអវត្តមានខ្សែបម្រើ Emre Can ដែលកំពុងតែជាប់ពិន័យព្យួរផងដែរ ក្រោយពីរូបគេបានរងពិន័យកាតក្រហម ក្នុងការប្រកួតចុងក្រោយក្នុងពូលរបស់ Dortmund ក្នុងក្របខ័ណ្ឌ Champions League ជាមួយនឹងក្រុម Besiktas កាលពីខែធ្នូ៕
ប្រភពព័ត៌មាន៖ Channel News Asia
