បរទេស៖ ការពិភាក្សាបន្តកិច្ចសន្យារវាងក្រុមតោខៀវ Chelsea និងខ្សែការពារកណ្តាល Antonio Rudiger ទីបំផុតបាន ឈានដល់ផ្លូវបែកបាក់មែនទែនបើទោះបីជាមានការផ្តល់ជូនសំណើរកាន់តែល្អប្រសើរជាងពេលមុនក៏ដោយ យោងគេហទំព័រ Sky Sports បានចុះផ្សាយ។
គួរបញ្ជាក់ថាសុពលភាពរបស់កីឡាករអន្តរជាតិអាឡឺម៉ង់អាឡឺម៉ង់នឹងផុតកំណត់នៅបញ្ចប់រដូវកាលនេះ ខណៈក្រុមជើងឯក Champion League បានលួងលោមអោយរូបគេបន្តកុងត្រាថ្មី ប៉ុន្តែមិនទទួលបានជោគជ័យទាល់តែសោះ។ កីឡាករវ័យ ២៨ ឆ្នាំត្រូវរូបនេះបានបើកចំហរឪកាស ស្នាក់នៅទឹកដី Stamford Bridge ប៉ុន្តែបានបដិសេធ បន្តកុងត្រាថ្មីដោយការទាមទារប្រាក់ឈ្នួលដែលនឹងធ្វើឱ្យរូបគេក្លាយជាខ្សែការពាររកចំណូលបានខ្ពស់បំផុតនៅក្នុងក្របខ័ណ្ឌ Premier League ។មានក្លឹបReal Madrid និង Paris Saint-Germain ដែលចង់ឆ្លៀតឪកាសចុះហត្ថលេខានាំយកRudiger ខណៈក្រុមបិសាចក្រហមMan. Utd ដែលកំពុងដឹកនាំដោយ អ្នកចាត់ការបណ្តោះអាសន្ន Ralf Rangnick គឺជាគ្រូបង្វឹកដែល កោតសរសើរសមត្ថភាពរបស់អតីតកីឡាករRoma រូបនេះជាខ្លាំងផងដែរ
:focal(1013x203:1015x201)/origin-imgresizer.eurosport.com/2021/09/18/3222364-65964548-2560-1440.jpg)
ក្រោយចូលរួមជាមួយក្លឹបដែលមានមូលដ្ឋាននៅទីក្រុងឡុងដ៏ភាគខាងលិចនៅឆ្នាំ២០១៧ Rudiger ចូលលេងបាន ១៨៣ ប្រកួតនិងជាចុងក្រោយនេះបានជួយអោយក្លឹបឈ្នះពានធំពីរគឺ Champions League និង Club World Cup ក្រោយពីការតែងតាំងបុរសរួមជាតិគឺគ្រូបង្វឹកលោក Thomas Tuchel ពីឆ្នាំមុនរួចមក៕
ប្រភពព័ត៍មាន៖ Sportsmole
