បរទេស៖ អ្នកចាត់ការទូទៅក្រុមមេឃខៀវ Man. City លោក Pep Guardiola បានបង្ហើបប្រាប់ថាក្លឹបមាន់ខ្នាយមាស Tottenham Hotspur បានច្រានចោលការដេញថ្លៃរហូតដល់ទៅ៤ដង សម្រាប់ការចរចារចុះហត្ថលេខាខ្សែប្រយុទ្ធ Harry Kane ឆ្នើម Harry កាលពីមុនរដូវកាលថ្មីនេះចាប់ផ្តើម ។
គួរបញ្ជាក់ថាអនាគតរបស់ប្រធានក្រុមជម្រើសជាតិអង់គ្លេសជាមួយក្លឹបដែលមានមូលដ្ឋាននៅភាគខាងជើងទីក្រុងឡុងដ៏ ស្ថិតក្នុងភាពស្រពិចស្រពិលចាប់តាំងពីបញ្ចប់រដូវកាលចាស់ រហូតដល់ថ្ងៃផុតកំណត់នៃទីផ្សារដោះដូរកីឡាករជាលើកទីពីរនៅខែមករា២០២២កន្លងទៅខណៈខ្សែប្រយុទ្ធជួរមុខរូបនេះ នៅតែមានទំនាក់ទំនងផ្លាស់ទៅកាន់ទឹកដី Etihad Stadium។
អ្នកចាត់ការសញ្ជាតិអេស្បាញលោក Pep Guardiola បានចាប់ផ្តើមសម្លឹងរកខ្សែប្រយុទ្ធកណ្តាលក្រោយពីការចាកចេញ របស់Sergio Aguero បានចាកចេញទៅ Barcelona ។ទោះយ៉ាងណាក្រុមម្ចាស់ជើងឯករង បច្ចុប្បន្ននៅឡើយសមបំណង ក្នុងការនាំយកកីឡាករដែលនិងត្រូវពាក់អាវស្លាកលេខ៩នេះបាននៅឡើយទេ ស្របពេលបច្ចុប្បន្នក្រុមកំពុងនាំមុខកំពូល តារាង Premier League ដោយមានគម្លាត៩ ពិន្ទុពីលើក្រុមហង្សក្រហម Liverpool។ មុនជំនួបនៅថ្ងៃអាទិត្យវេលាម៉ោង១២និង៣០នាទីអធ្រាត ជាមួយ Spurs លោក Guardiola បានលើកឡើងយ៉ាង ដូច្នេះថាៈយើងបានព្យាយាម ប៉ុន្តែ Tottenham បានឆ្លើយតបវិញយ៉ាងច្បាស់ថាវានឹងមិនកើតឡើង។ក្រោយពីយើងព្យាយាមរហូតដល់ទៅ៤ដង។ បន្ទាប់មកយើងបានចាញ់ Spurs និង Leicester ក្នុងការប្រកួតCommunity Shield។ទោះយ៉ាងណាខ្ញុំមិនដែលខកចិត្តចំពោះអ្វីដែលក្លឹបមិនអាចសម្រេចបាន នៅក្នុងទីផ្សារដោះដូរកីឡាករឡើយ។ ទោះយ៉ាងណាKane មិនបានបង្ហាញសមត្ថភាពរកគ្រាប់បាល់ដល់កម្រិតកំពូលដូចកាលពីរដូវកាលមុនៗនោះទេ ក្រោយស៊ុតបញ្ចូលទីបានតែ ៥គ្រាប់ប៉ុណ្ណោះក្នុងការបង្ហាញខ្លួន ២១ លើកនៅរដូវកាលនេះ៕
ប្រភពព័ត៍មាន៖ Sportsmole