បរទេស៖ គ្រូបង្វឹកបណ្ដោះអាសន្នក្រុម Man. Utd លោក Ralf Rangnick បានបញ្ជាក់ថា Harry Maguire នឹងនៅតែបន្តកាន់តួនាទីជាប្រធានក្រុមយ៉ាងហោចណាស់ដល់ចុងបញ្ចប់នៃរដូវកាលនេះ។
គួរបញ្ជាក់ថាទម្រង់លេងធ្លាក់ចុះរបស់ខ្សែការពារកណ្តាលរូបនេះនៅ ប៉ុន្មានប្រកួតចុងក្រោយរបស់ Maguire ទទួលការរិះគន់យ៉ាងខ្លាំងនិងមានពត៌មានលើកឡើងថាអ្នកចាត់ការសញ្ជាតិអាឡឺម៉ង់លោក Rangnicបានកំពុង កំពុងពិចារណាប្រគល់តួនាទីប្រធានក្រុមអោយទៅកំពូលខ្សែប្រយុទ្ធស្លាបជើងចាស់ដ៏មានបទពិសោធន៏គឺ Cristiano Ronaldo សម្រាប់ពេលវេលាប្រកួតដែលនៅសល់នៅរដូវកាលនេះ ។
ផ្ទុយទៅវិញកីឡាករវ័យ ២៨ ឆ្នាំសញ្ជាតិអង់គ្លេសរូបនេះបានសរសេរនៅលើបណ្តាញសង្គមកាលពីថ្ងៃសុក្រថា:យើងនៅបន្តរួបរួមគ្នា និងផ្តោតលើការប្រកួត Premier League នៅថ្ងៃអាទិត្យជាមួយ Leeds United ។ កាលពីដើមសប្តាហ៍នេះ Marcus Rashford ក៏បានបដិសេធថាមានបញ្ហានៅក្នុងបន្ទប់ស្លៀកពាក់របស់ Man United បន្ទាប់ពីមានការលើកឡើងថាការមកដល់របស់ Ronaldo បានធ្វើឱ្យខ្សែប្រយុទ្ធស្លាបរូបនេះ មិនសប្បាយចិត្តក្នុងការបន្តអាជីពនៅទឹកដី Old Trafford៕
