បរទេស៖ លោក Pep Guardiola បាននិយាយថា ក្រុម Manchester City កំពុងតែស្ថិតក្នុងការប្រជែងដណ្តើមពានក្របខ័ណ្ឌ Premier League ក្រោយពីការរងបរាជ័យក្នុងលទ្ធផល ៣-២ របស់ពួកគេលើទឹកដីខ្លួនឯងក្រោមស្នាដៃក្រុម Tottenham កាលពីថ្ងៃសៅរ៍។
ការរងបរាជ័យជាលើកទី១របស់ Man City ក្នុងចំណោមការប្រកួត Premier League ១៧លើក ធ្វើឲ្យករុមម្ចាស់ការពារជើងឯកមួយនេះ មាន៦៣ពិន្ទុ ដោយមាន៦ពិន្ទុលើក្រុម Liverpool ដែលនៅសល់១ប្រកួតក្នុងដៃ ហើយនិងត្រូវធ្វើដំណើរទៅប្រកួតកីឡដ្ឋាន Etihad នាថ្ងៃទី៩ ខែមេសា។ លោក Guardiola ជឿជាក់ថា បច្ចុប្បន្ន Man City កំពុងតែស្ថិតក្នុងការប្រជែងជាមួយនឹងក្រុមមានមូលដ្ឋាននៅ Merseyside ក្រោយពីបាននាំមុខរហូតដល់ទៅ១២ពិន្ទុ កាលពីដើមខែនេះ។
អ្នកចាត់ការទូទៅរបស់ក្រុម Man City រូបនេះ បានឲ្យដឹងថា៖ «យើងត្រូវតែប្រយុទ្ធរាល់ការប្រកួតទាំងអស់ ហើយពេលយើងត្រូវតែឈ្នះរាល់ការប្រកួតទាំងអស់ យើងនឹងខិតកាន់តែកៀកក្នុងការលើកពាន។ យើងខ្ញុំបាននិយាយកាលពីប៉ុន្មានសប្តាហ៍មុនថា យើងត្រូវតែរកបានពិន្ទុឲ្យបានច្រើនបំផុតដើម្បីក្លាយជាម្ចាស់ជើងឯក ហើយនេះគឺជាគោលដៅដែលយើងនឹងព្យាយាមធ្វើឲ្យបាន»៕
ប្រភពព័ត៌មាន៖ The Guardian