បរទេស៖ Christian Eriksen បានបង្ហាញពីទម្រង់លេងដ៏គួរអោយចាប់អារម្មណ៍ក្នុងការប្រកួតមិត្តភាពក្រៅផ្ទះ ជាមួយនិងក្រុម Ranger របស់ស្កុតឡេនដ៏កាលពីថ្ងៃច័ន្ទ និងខិតកាន់តែជិតក្នុងការបង្ហាញខ្លួនជាលើកដំបូងសម្រាប់ក្រុម Brentford នៅក្របខណ្ឌ Premier League វិញ។
សម្រាប់ការប្រកួតកំដៅសាច់ដុំនេះដែរ Eriksen ចូលលេងបានរហូតដល់ជិត ៨០ នាទីនិងបានបង្កើតឪកាសបញ្ចប់ទី(Assist) អោយមិត្តរួមក្រុមថ្មីស៊ុតបញ្ចូលទីគូប្រកួតក្នុងលទ្ធផលស្មើគ្នា២ទល់និង២
គួរបញ្ជាក់ថាខ្សែបម្រើកណ្តាលក្រុមជម្រើសជាតិដាណឺម៉ាកបានជួបឧប្បត្តិហេតុដួលសន្លប់ដោយសារជំងឺគាំងបេះដូងនៅក្នុង ព្រឹត្តការណ៏ Euro២០២០ វគ្គជម្រុះក្នុងពូល មុនពេលត្រូវបានក្លឹប Inter Milan សម្រេចចែកផ្លូវគ្នា ចេញជាបន្តបន្ទាប់។ ទោះយ៉ាងណាកាលពីពេលថ្មីៗនេះ ក្រុមគ្រូពេទ្យបានបញ្ជាក់ច្បាស់ពីសុខភាពល្អប្រសើរឡើងវិញក្រោយពីប្រើប្រាស់ការដាក់ឧបករណ៏ជំនួយបេះដូងដោយជោគជ័យមក Eriksen បានសម្រេចចិត្តត្រឡប់មកចូលរួមនៅលីគកំពូលអង់គ្លេសវិញដោយគ្មានតម្លៃខ្លួន កំលុងពេលទីផ្សារដោះដូរកីឡាករបានបើកដំណើរការជាលើកទីពីរកាលពីខែមករា២០២២កន្លងទៅ៕
ប្រភពព័ត៍មាន៖ Goal