បរទេស៖ ក្រុមបិសាចក្រហម Man. Utd មានបំណងចង់បានអ្នកចាំទ Antonio Rudiger របស់ក្រុមតោខៀវ Chelsea មកជំនួសតំណែងកីឡាករ Harry Maguire ដោយគ្មានតម្លៃខ្លួន យោងគេហទំព័រ The Mirror បានចុះផ្សាយ។
គួរបញ្ជាក់ថាអនាគតរបស់កីឡាករវ័យ ២៨ ឆ្នាំរូបនេះកំពុងជាប់គាំងក្នុងការបន្តកុងត្រាថ្មីនៅទឹកដី Stamford Bridge ព្រមជាមួយមានការចាប់អារម្មណ៏ពីសំណាក់ក្លឹបធំៗជាច្រើនមុនពេលកុងត្រារបស់កីឡាករអន្តរជាតិអាឡឺម៉ង់ រូបនេះអស់សុពលភាព។ នៅមានក្លឹបធំនៅលីកកំពូលពីរផ្សេងទៀតគឺ Real Madrid និង Paris Saint-Germain ក៏បានបង្ហាញពីការចាប់អារម្មណ៏ចង់បានអតីតកីឡាករ Roma ដែលបង្ហាញខ្លួនបាន២៥ ប្រកួតនៅ Premier League សម្រាប់រដូវកាលនេះផងដែរ។
ប្រភពខាងលើបន្តថាលោក Ralf Rangnick គឺជាបុគ្គលម្នាក់ដែលមានការកោតសរសើរពីសមត្ថភាពរបស់ Rudiger បើទោះបីជាទើបតែរកបានគ្រាប់បាល់បញ្ចូលទីផ្តួលក្រុម Leeds Utdកាលពីសប្តាហ៏មុន ប៉ុន្តែប្រធានក្រុម Man. Utd រូបនេះបានរបូតគ្រាប់បាល់ជាញឹកញាប់នៅរដូវកាលនេះ៕
ប្រភពព័ត៍មាន៖ Sportsmole