បរទេស៖ ខ្សែប្រយុទ្ធ Tammy Abraham របស់ក្រុម Roma បានសម្លឹងមើលឪកាសនៃការចង់វិលត្រលប់ទៅកាន់ អតីតក្លឹប Chelsea នាពេលអនាគតបន្ទាប់ពីទទយលបានលទ្ធផលជាផ្លែផ្កាជាមួយក្លឹបថ្មី Roma នៅលីគកំពូលអ៊ីតាលី។
ខ្សែប្រយុទ្ធអន្តរជាតិអង់គ្លេសវ័យ២៤ឆ្នាំបានចូលរួមជាមួយក្លឹបដែលមានមូលដ្ឋាននៅ ទីក្រុងរ៉ូម កាលពីដើមរដូវកាលមុននៅក្នុង កិច្ចព្រមព្រៀងប្រមាណ៣៤លានផោនដែលនៅក្នុងកិច្ចសន្យាបានចែងថាមានជម្រើសនិងអាចទិញយករូបគេមកកាន់ទឹកដី Stamford Bridge វិញនៅពេលឆាប់ៗខាងមុខ។ សម្រាប់ការចាប់ផ្តើមរដូវកាលដំបូង Abraham នៅលីកកំពូលបរទេសគឺមានភាពរីកចម្រើនខ្លាំងរហូតមកដល់ពេលនេះ ដោយរូបគេស៊ុតបញ្ចូលទីបាន១៨ គ្រាប់ក្នុងការប្រកួតសរុបចំនួន ៣៣ សម្រាប់ក្រុមរបស់លោក Jose Mourinho ។
គួរបញ្ជាក់ថាអតីតយុវជនថ្នាល Chelsea មានភាពលេចធ្លោកំលុងពេលលេងក្រោមការដឹកនាំរបស់លោក Frank Lampard ក្នុងរដូវកាល ២០១៩-២០២០ នៅពេលដែលគាត់ស៊ុតបញ្ចូលទីបាន ១៨ គ្រាប់ផងដែរ។ ប៉ុន្តែបន្ទាប់ពី Thomas Tuchel ចូលកាន់តំណែង Abraham ត្រូវបានអ្នកចាត់ការសញ្ជាតិអាល្លឺម៉ង់សម្រេចលុបឈ្មោះចេញពីបញ្ចីប្រើប្រាស់ មុនពេល លក់ទៅឱ្យ Romaក្នុងខែសីហាឆ្នាំមុន។ នៅក្នុងកិច្ចព្រមព្រៀងបានចែងថាChelsea បានសរសេរពីកិច្ចព្រមព្រៀងចុះហត្ថលេខានាំយកAbrahamមកវិញក្នុងរង្វង់ទឹកប្រាក់ ៦៨ លានផោនមកកាន់ក្លឹបដែលមានមូលដ្ឋាននៅទីក្រុងឡុងដ៏នៅពេលទីផ្សារដោះដូរកីឡាករនិងបើកដំណើរការនៅពេលបញ្ចប់រដូវកាលនេះ៕
ប្រភពព័ត៍មាន៖ Sportsmole