បរទេស៖ Man. United និងត្រៀមចំណាយទឺកប្រាក់ប្រមាណ ៧៦ លានផោនដើម្បីចុះហត្ថលេខានាំយក Tammy Abraham ពីក្លឹប Roma មកកាន់ទឹកដី Old Trafford នៅរដូវក្តៅខាងមុខនេះយោងការចុះផ្សាយរបស់ Manchester Evening News ។
កីឡាករវ័យ 24 ឆ្នាំរូបនេះបានបង្ហាញទម្រង់លេងលេចលេចធ្លោនៅ ក្របខណ្ឌ Serie A ក្រោយចាកចេញពី Chelsea កាលពីរដូវក្តៅមុន ដោយស៊ុតបញ្ចូលទីបាន ២៣ គ្រាប់ និង Assists ៤ ដងក្នុងការបង្ហាញខ្លួន ៤០លើកនៅគ្រប់ក្របខណ្ឌប្រកួតទាំងអស់។ ប្រភពខាងលើបន្តថា ក្រុមជើងឯកអង់គ្លេស២០សម័យនិងចំណាយប្រាក់សម្រាប់កីឡាករអន្តរជាតិអង់គ្លេសរូបនេះគឺប្រមាណពីរដងនៃចំនួនទឹកប្រាក់ដែល Roma ផ្តល់ទៅអោយChelsea ក្នុងខែសីហា ឆ្នាំ ២០២១។
ទោះយ៉ាងណាក្រុមរបស់លោក Jose Mourinho មិនមានគម្រោងលក់កីឡាករសំខាន់របស់ខ្លួនរូបនេះចេញខណៈ Abraham មានកិច្ចសន្យានៅទឹកដី Stadio Olimpico រហូតដល់ខែមិថុនា ឆ្នាំ ២០២៦ឯណោះ។ក្រៅពីAbrahamក្រុមបិសាចក្រហមក៏បានចាត់ទុកខ្សែប្រយុទ្ធ Darwin Nunez ខ្សែប្រយុទ្ធអន្តរជាតិអ៊ុយរូហ្គាយ របស់ Benficaក៏ជាជម្រើសដ៏មានសក្តានុពល ក៏ប៉ុន្តែអ្ងីវដែលMan.Utdត្រូវធ្វើនោះគឺបញ្ចប់រដូវកាលក្នុងចំណាត់ថ្នាក់Top-៤ដើម្បីមានឪកាសលេងនៅ ក្របខ័ណ្ឌ Champions League ជាចាំបាច់៕
ប្រភពព័ត៍មាន៖ Sportsmole