បរទេស៖ ខ្សែប្រយុទ្ធ Tammy Abraham បាននិយាយកោតសរសើរលោក Jose Mourinho ចំពោះការនាំយកការជឿជាក់វិលទៅកាន់ការប្រកួតរបស់ខ្លួនវិញ និងបានចាត់ទុកអ្នកចាត់ការទូទៅរបស់ក្រុម Roma រូបនេះ «គឺជាគ្រូបង្វឹកម្នាក់ក្នុងចំណោមគ្រូបង្វឹកដ៏ឆ្នើមបំផុតក្នុងពិភពលោក»។
លោក Mourinho កំពុងតែត្រៀមរៀបចំក្រុមរបស់លោក សម្រាប់ការប្រកួតជាលើកដំបូងនៅលើទឹកដីអង់គ្លេស បើគិតចាប់តាំងពីលោកត្រូវបានបណ្តេញចេញពីក្លិប Tottenham កាលពីឆ្នាំមុន។ គ្រូបង្វឹកសញ្ជាតិព័រទុយហ្គាល់រូបនេះ នឹងព្យាយាមដឹកនាំឲ្យ Roma របស់ក្របខ័ណ្ឌ Serie A ដណ្តើមបានជ័យជម្នះក្នុងការប្រកួតជើងទី១ ក្នុងពេលប៉ះជាមួយនឹងអតីតគូប្រកួតចាស់របស់លោកគឺអ្នកចាត់ការទូទៅរបស់ Leicester លោក Brendan Rodgers ក្នុងការប្រកួតក្របខ័ណ្ឌ Europa Conference League វគ្គពាក់កណ្តាលផ្តាច់ព្រ័ត្រ។
Abraham គឺជាអ្នករកបានគ្រាប់បាល់ច្រើនជាងគេ ក្នុងយុទ្ធនាការនេះ ហើយមិនមានកីឡាករអង់គ្លេសរូបណា រកបានគ្រាប់បាល់ច្រើនជាងនៅរដូវកាលនេះឡើយ។ ខ្សែប្រយុទ្ធរូបនេះបានឲ្យដឹងថា៖ «សម្រាប់ខ្ញុំ លោក Jose គឺជាគ្រូបង្វឹកម្នាក់ក្នុងចំណោមគ្រូបង្វឹកដ៏ឆ្នើមបំផុតនៅលើភពផែនដីនេះ ដោយលោកដឹងយ៉ាងច្បាស់ពីរបៀបក្នុងការដឹកនាំអ្នក»៕
ប្រភពព័ត៌មាន៖ The Guardian
