បរទេស៖ ការប្រកួតវគ្គផ្តាច់ព្រ័ត្រព្រឹត្តការណ៏បាល់ទាត់ទ្វីបអឺរ៉ុបដ៏ធំបំផុត Uefa Champions League ឆ្នាំ ២០២២នេះ នឹងត្រូវផ្លាស់ ទៅធ្វើឡើងនៅទីក្រុងប៉ារីសប្រទេសបារាំងវិញ បន្ទាប់ពីប្រទេសរុស្ស៊ីត្រូវបានដកចេញពីការប្រកួតក្រោយពីប្រធានាធិបតីរុស្សីលោកវ្លាឌីមៀពូទីន បានសម្រចអោយកងទ័ព ធ្វើការលុកលុយក៏ដូចជាវាយប្រហាររប្រទេសអ៊ុយក្រែនរួចមក។
គួរបញ្ជាក់ថាការប្រកួតវគ្គផ្តាច់ព្រ័ត្រសម្រាប់ព្រឹត្តការណ៏បាល់ទាត់លីកអាជីពកំពូលដ៏ល្បីល្បាញរបស់អឺរ៉ុប និង ពិភពលោកដ៏មានកិត្យានុភាពតាមផែនការគ្រោងទុកនៅទីក្រុង St Petersburg នៅថ្ងៃទី ២៨ ខែឧសភា។ ទន្ទឹមនឹងនេះ ព្រឹត្តិការណ៍ប្រណាំងរថយន្ត Formula 1 Grand Prix របស់ប្រទេសរុស្ស៊ី ដែលនឹងត្រូវធ្វើឡើងនៅទីក្រុង Sochi ក្នុងខែកញ្ញា ក៏ត្រូវបានលុបចោលចោលផងដែរ។ គណកម្មាធិការរៀបចំការប្រកួត F1 និយាយថាវា មិនអាចទៅរួចទេ ក្នុងការរៀបចំព្រឹត្តិការណ៍នៅក្នុង “កាលៈទេសៈបច្ចុប្បន្ន ។
/cdn.vox-cdn.com/uploads/chorus_image/image/70548404/1238413552.0.jpg)
គណៈកម្មាធិការអូឡាំពិកអន្តរជាតិ ក៏បានប្រកាសផងដែរថាៈ សហព័ន្ធកីឡាអន្តរជាតិគួរតែផ្លាស់ទី ឬលុបចោលព្រឹត្តិការណ៍កីឡាទាំងឡាយរបស់ពួកគេ ដែលបច្ចុប្បន្នគ្រោងធ្វើឡើងនៅក្នុងប្រទេសរុស្ស៊ី ឬបេឡារុស្សនោះ៕
ប្រភពព័ត៍មាន៖ BBC
