បរទេស៖ គ្រូបង្វឹកក្រុមតោខៀវ Chelsea លោក Thomas Tuchel បានសារភាពថាលោកមានការខកចិត្តចំពោះការសម្រេចចិត្តមិនអនុញ្ញាតិឱ្យរកគ្រាប់បាល់បញ្ចូលទី Romelu Lukaku ដោយចាត់ទុកថា offside អំឡុងការប្រកួតវគ្គផ្តាច់ព្រ័ត្រ EFL Cup ទល់នឹង Liverpool កាលពីថ្ងៃអាទិត្យក្នុងម៉ោងបន្ថែម។
មើលដោយភ្នែកទទេ មានទឡីករណ៍មួយដែលថាកីឡាករសញ្ជាតិបែលហ្ស៊ិករូបនេះមើលទៅគឺនៅក្នុងតំបន់មិនOffside ជាមួយនឹងខ្សែការពារចុងក្រោយ ប៉ុន្តែ VAR បានសម្រេចថាវាជាការបំលាស់ទីលឿនពេក។ទោះយ៉ាងណាបន្ទាប់ពី Chelsea បានចាញ់នៅក្នុងការស៊ុតបាល់ប៉េណាល់ទីចុងក្រោយដោយអ្នកចាំទីKepa រួចមក គ្រូបង្វឹកអាឡឺម៉ង់លោក Tuchel បានទទួលស្គាល់ថា : មានអារម្មណ៏មិនល្អសម្រាប់ការបដិសេធមិនផ្តល់បាល់ចូលទីលើការប្រើប្រាស់បច្ចេកវិទ្យា VAR មួយនេះ។
អតីតគ្រូបង្វឹកPSG ត្រូវបានដកស្រង់សម្តីដោយគេហទំព័រ Sky Sports ថាៈ «បាល់ទាត់អាចជាហ្គេមដ៏អស្ចារ្យ ហើយវាជាហ្គេមដ៏អស្ចារ្យ គ្មានការព្រួយបារម្ភ និងគ្មានការសោកស្តាយ។អ្នកត្រូវការសំណាងបន្តិចយើងស៊ុតបានបីដងយើងមានឪកាសពួកគេកក៏មានឪកាសវាជាលទ្ធផលដ៏យុត្តិធម៌គ្រប់បែបយ៉ាងដើម្បីទទួលបានលទ្ធផលស្មើគ្នា»។
ទោះយ៉ាងណាលោកTuchel ក៏បានការពារការសម្រេចចិត្តអោយ Kepa Arrizabalaga ស៊ុតបាល់ប៉េណាល់ទី បន្ទាប់ពីកីឡាករអេស្ប៉ាញរូបនេះមិនអាចសង្គ្រោះការទាត់បាល់ចំនួន ១១ គ្រាប់របស់ Liverpool បានមុនពេលអ្នកចាំទីថ្លៃបំផុតរបស់ពិភពលោកស៊ុតបាល់ឡើងផុតរបាទី៕
ប្រភពព័ត៍មាន៖ Sportsmole