បរទេស៖ អ្នកចាត់ការ Manchester City លោក Pep Guardiola ប្រឈមអវត្តមានខ្សែការពារសំខាន់២រូបគឺ Ruben Dias និង Nathan Ake សម្រាប់ការប្រកួតក្របខណ្ឌ Premier League នៅថ្ងៃអាទិត្យជាមួយគូប្រជែងរួមទីក្រុង Manchester United ។
កីឡាករទាំងពីរបានចូលលេងក្នុងជំនួបពានរង្វាន់ FA Cup ជុំទី ៥ ពេលផ្តួល Peterborough United កាលពីយប់ថ្ងៃអង្គារក្នុងលទ្ធផល២ទល់និង០។ ទោះយ៉ាងណាកីឡាករទាំងពីរត្រូវបានប្តូរជំនួសដោយ Aymeric Laporte និង John Stones ។ ថ្លែងនៅក្នុងបទសម្ភាសន៍ក្រោយការប្រកួត លោក Guardiola បាននិយាយថា : “Nathan នៅពេលដែលគាត់ទទួលបានកាតលឿង នៅចុងបញ្ចប់នៃតង់ទីមួយគាត់ស្ថិតក្នុងស្ថានភាពមិនល្អទេ ហើយ Ruben ក៏មានអារម្មណ៍មិនស្រួលជាមួយជើងរបស់គាត់។នោះហើយជាមូលហេតុដែល យើងបានធ្វើការជំនួស។ Aymeric និង John គឺល្អឥតខ្ចោះតង់ទីពីរ។ ខ្ញុំចង់និយាយថា វាគឺជាការសម្រេចចិត្តខាងវេជ្ជសាស្ត្រ”។
ក្លឹបនិងអាចដាក់ Laporte ជាមួយ Stones ព្រមជាមួយ Kyle Walker អោយលេងនៅតំបន់ការពារ ខណៈ Cole Palmer គឺជាកង្វល់តែមួយគត់របស់ Man City ដោយខ្សែបម្រើរូបនេះបាត់ខ្លួនជាងមួយខែជាមួយនឹងបញ្ហាដែលមិនបានបញ្ជាក់៕
ប្រភពព័ត៍មាន៖ SportsmoleMa