បរទេស៖ លោក Richard Masters ប្រធានក្របខ័ណ្ឌ Premier League បានស្វាគមន៍ការសម្រេចចិត្តរបស់លោក Roman Abramovich ក្នុងការដាក់លក់ក្លិប Chelsea កាលពីថ្ងៃព្រហស្បតិ៍ ខណៈដែលអ្នកគាំទ្រជាច្រើនបានថ្លែងអំណរគុណដល់មហាសេដ្ឋសញ្ជាតិរុស្ស៊ីរូបនេះ ចំពោះការជួយនាំយក «ភាពជោគជ័យដែលមិនអាចកាត់ថ្លៃបាន» ក្រោមការដឹកនាំរបស់លោក។
មហាសេដ្ឋីរូបនេះ មិនបានជាប់ឈ្មោះក្នុងបញ្ជីដែលត្រូវរងនូវការដាក់ទណ្ឌកម្មរបស់អង់គ្លេស ដែលមានគោលដៅលើធនាគាររុស្ស៊ី ម្ចាស់អាជីវករ និងសេដ្ឋីដែលគាំទ្ររដ្ឋាភិបាល Kremlin ក្រោយពីការឈានពានរបស់លោកវ៉្លាឌីមៀរ ពូទីន លើប្រទេសអ៊ុយក្រែន ឡើយ។ ប៉ុន្តែ ក្តីកង្វល់របស់បុរសវ័យ៥៥ឆ្នាំរូបនេះអំពីការរឹបអូសទ្រព្យសម្បត្តិ ត្រូវបានគេយល់ឃើញថា គឺជាដើមហេតុនាំឲ្យមានការសម្រេចចិត្តដាក់លក់ក្លិបតោខៀវតែម្តង ខណៈដែលការសម្រេចចិត្តនេះ ត្រូវបានដាក់លក់កាលពីថ្ងៃពុធ។
លោក Abramovich បានសន្យាថា នឹងផ្តល់ «ប្រាក់ចំណូលសរុបពីការលក់ក្លិប» ទៅឲ្យជនរងគ្រោះដោយសារតែសង្គ្រាម។ ក្នុងពេលនិយាយក្នុងកិច្ចប្រជុំកំពូល Financial Times Business of Football Summit លោក Masters បានឲ្យដឹងថា៖ «ខ្ញុំគិតថា ស្ថានភាពនេះ បានរីកកាន់តែធំយ៉ាងឆាប់រហ័សក្នុងរយៈពេល៧ថ្ងៃចុងក្រោយនេះ ហើយលោកបានធ្វើការសម្រេចចិត្តដ៏ត្រឹមត្រូវ»៕
ប្រភពព័ត៌មាន៖ Channel News Asia
