បរទេស៖ Roman Abramovich នៅមិនទាន់មានចំណាប់អារម្មណ៍លើការផ្តល់សំណើរទិញក្លឹប Chelsea បន្ទាប់ពីបានដាក់លក់ក្រុមនៅក្របខណ្ឌ Premier League កំលុងពេលថ្មីៗនេះដោយសារតែការលុកលុយដោយយោធារបស់រុស្ស៊ីមកលើអ៊ុយក្រែននិងការដាក់ទណ្ឌកម្មដែលអាចនឹងធ្វើអោយមហាសេដ្ឋីសញ្ជាតិរុស្សី Abramovich បានសម្រេចចិត្តលក់ក្លឹបដែលរូបលោកកាន់កាប់ជិត២ទសវត្សឲ្យបានកាន់តែឆាប់តាមដែលអាចធ្វើទៅបាន។
លោក Abramovichមានបំណងទាមទារតម្លៃលើសពី ៣ ពាន់លានផោនសម្រាប់តម្លៃលក់ក្លឹបដែលមានមូលដ្ឋាន នៅទីក្រុងឡុងដ៍ភាគខាងលិចដោយមិនចាំបាច់ត្រូវវាយតម្លៃលំអិតដោយផ្អែកតាមកាលៈទេសៈនាពេលបច្ចុប្បន្ននោះទេ។
ទោះជាយ៉ាងណាយោងតាមការចុះផ្សាយរបស់ PA បានចុះផ្សាយថាៈមានការចាប់អារម្មណ៍យ៉ាងខ្លាំងចំពោះការចង់ទិញក្លឹបជើងឯក Chelsea ហើយការផ្តល់ជូនជាច្រើនទៀតត្រូវបានគេរំពឹងថានឹងធ្វើឡើងនាពេលបន្តបន្ទាប់ខាងមុខនេះ។ កន្លងមកមានដូចជាមហាសេដ្ឋីសញ្ជាតិស្វ៊ីស Hansjorg Wyss និងអ្នកវិនិយោគិនអាមេរិក Todd Boehly គឺបានឈរនៅជួរមុខគេក្នុងនាមជាបេក្ខភាពដែលចាប់អារម្មណ៏ចង់បានក្លឹបChelsea មកដឹកនាំ៕
ប្រភពព័ត៍មាន៖ Sportsmole