បរទេស៖ Kylian Mbappe ត្រូវបានផ្តល់ជូនការបន្តកុងត្រាដោយមានតម្លៃ ២០០លានយូរ៉ូស្មើនិង (១៦៦លានផោន) ។ គួរបញ្ជាក់ថាខ្សែប្រយុទ្ធវ័យ ២៣ ឆ្នាំរូបនេះកិច្ចសន្យារបស់គេនិងផុតកំនត់នៅទឹកដី Parc des Princes នាខែមិថុនា ២០២២នេះ ដូច្នេះហើយឥឡូវនេះគាត់មានសេរីភាពក្នុងការចុះហត្ថលេខាជាមួយក្លឹបបរទេសមុនកិច្ចព្រមព្រៀងអស់សុពលភាព ។
Mbappe ត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ប្តូរទៅកាន់ក្លឹបយក្សអេស្ប៉ាញ Real Madrid ប៉ុន្តែ PSG បដិសេធមិនបោះបង់ក្តីសង្ឃឹមក្នុងការលួងលោមសមាជិកជ័យលាភី World Cup ២០១៨ ដើម្បីបន្តកុងត្រាថ្មី។ ដកស្រង់សម្តីដោយគេហទំព័រ L’Equipe លោក Leonardo បានលើកឡើងថាៈ វាមិនមែនជាការពិតទេ យើងមិនបានផ្ញើការផ្តល់ជូនជាក់លាក់ដូច្នេះឡើយ។ប៉ុន្តែយើងចង់ដាក់គាត់ក្នុងលក្ខខណ្ឌដ៏ល្អក្នុងនាមគាត់ជាកីឡាករល្អបំផុតដែលអាចធ្វើបាន។ ដូច្នេះខ្ញុំគិតថាយើងនិង ចំណាយពេលអោយដល់ទីបំផុត។
នៅពេលសួរអំពីឱកាសរបស់ PSG ក្នុងការរក្សា Mbappe លោក Leonardo បានបន្ថែមថា៖ «ឱកាសរបស់យើងក្នុងការរក្សាគាត់? ខ្ញុំមិនអាចនិយាយបានទេ ប៉ុន្តែយើងមានលទ្ធភាព។”ដរាបណាមិនមានការព្រមព្រៀងចុះហត្ថលេខាជាក់ស្តែងកើតមានឡើង យើងនឹងព្យាយាមគ្រប់យ៉ាងដើម្បីរក្សាគាត់។ ខ្ញុំមិនគិតថាគាត់នឹងវិនិច្ឆ័យពីអនាគតដោយផ្អែកលើលទ្ធផលទល់នឹង Real Madrid សម្រាប់ការប្រកួតជើងទីពីរក្របខណ្ឌ Uefa Champion League នោះទេ»។ Mbappe បង្ហាញខ្លួនបាន ២០៥ ដងគ្រប់ក្របខណ្ឌប្រកួតទាំងអស់សម្រាប់PSG ដោយស៊ុតបញ្ចូលទីបាន 156 គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីបាន៧៨ ដ៕
ប្រភពព័ត៍មាន៖ Sportsmole
