បរទេស៖ ខ្សែប្រយុទ្ធ Karim Benzema បាននិយាយថា ក្រុម Real Madrid បានបង្ហាញថា ពួកគេ «នៅតែមានភាពខ្លាំង» តាមរយៈការបំពេញការវាយបកដ៏រំភើប ដើម្បីផ្តួលក្រុមខ្លាំង Paris Saint-Germain កាលពីថ្ងៃពុធ និងឈានទៅវគ្គ៨ក្រុមចុងក្រោយនៃក្របខ័ណ្ឌ Champions League។
Real Madrid បានដេញតាមពីក្រោយ ២-០ នៅពេលដែលខ្សែប្រយុទ្ធ Kylian Mbappe បានជួយឲ្យក្រុម PSG រកគ្រាប់បាល់នាំមុខមុន នាកីឡដ្ឋាន Santiago Bernabeu ប៉ុន្តែ Benzema បានស៊ុតបាល់បញ្ចូលទី៣គ្រាប់យ៉ាងល្អ ក្នុងនោះរាប់បញ្ចូលទាំងគ្រាប់បាល់២គ្រាប់នៅចន្លោះពេលតែ២នាទី ផងដែរ ដើម្បីជួយឲ្យក្រុមរបស់គេឈានទៅវគ្គបន្ត។
បន្ទាប់ពីបញ្ចប់ការប្រកួត Benzema បានឲ្យដឹងថា៖ «គ្រប់ការប្រកួតទាំងអស់ គឺជាវគ្គផ្តាច់ព្រ័ត្រសម្រាប់យើងនៅពេលនេះ ក្នុងក្របខ័ណ្ឌ Champions League និង La Liga ប៉ុន្តែ នៅថ្ងៃនេះ យើងបានបង្ហាញថា Real Madrid នៅតែខ្លាំង។ យើងដឹងថា PSG ចូលចិត្តគ្រប់គ្រងបាល់។ យើងបានចាប់ផ្តើមយ៉ាងល្អ យើងបានព្យាយាមស៊ុតបាល់បញ្ចូលទី ហើយនៅតង់ទី២ យើងបានឈ្នះការប្រកួត ដោយសារតែភាពខ្លាំងផ្នែកស្មារតីរបស់យើង»៕
ប្រភពព័ត៌មាន៖ worldsoccertalk