បរទេស៖ Cristiano Ronaldoបានបង្ហាញពីភាពអស់សង្ឃឹមនិងកំពុងបង្ខំចិត្តធ្វើការចាកចេញពី Manchester United ក្នុងរដូវក្ដៅនេះ ពោលគឺមិនដល់មួយឆ្នាំផងបន្ទាប់ពីបានចូលរួមជាមួយម្ចាស់ជើងឯកអង់គ្លេស២០សម័យម្ដងទៀត។កីឡាករវ័យ ៣៧ ឆ្នាំបានត្រលប់ទៅ Old Trafford ក្នុងដំណាក់កាលចុងក្រោយនៃទីផ្សារដោះដូរកីឡាករកាលពីរដូវក្តៅមុន ហើយបានបង្ហាញខ្លួន ៣០ ដងសម្រាប់បិសាចក្រហមក្នុងរដូវកាលនេះ ដោយស៊ុតបញ្ចូលទីបាន ១៥គ្រាប់ គ្រប់ការប្រកួតទាំងអស់។Man United កំពុងតែប្រឈមមុខនឹងលទ្ធភាពនៃការខកខានក្នុងការប្រកួតបាល់ទាត់ក្របខ័ណ្ឌ Champions League សម្រាប់រដូវកាលក្រោយ ដែលជាមូលហេតុសំខាន់សម្រាប់ខ្សែប្រយុទ្ធស្លាបក្រុម ជម្រើសព័រទុយហ្គាល់ពិចារណាអំពីអនាគតរបស់គាត់ដោយយកចិត្តទុកដាក់បំផុតនៅពេលនេះ។
Ronaldo មានកុងត្រានៅ Old Trafford រហូតដល់ខែមិថុនា ឆ្នាំ 2023 ប៉ុន្តែបើយោងតាមកាសែត The Sun ខ្សែប្រយុទ្ធរូបនេះបានជួបជាមួយភ្នាក់ងាររបស់គាត់ Jorge Mendes ដើម្បីពិភាក្សាអំពីការចាកចេញនៅក្នុងពេលទីផ្សារនិងបើកនៅពេលបញ្ចប់រដូវកាល ខាងមុខ។
ប្រភពបន្តថាៈបើទោះបីជាលោកMendes បានព្យាយាមរក្សាភាពស្ងប់ស្ងាត់ទាក់ទងនិងRonaldo ប៉ុន្តែពត៌មាននៃការរិះគន់ជុំវិញអវត្តមានរបស់ម្ចាស់ពានបាល់មាស៥សម័យក្នុងជំនួបជាមួយ Manchester City កាលពីថ្ងៃអាទិត្យដោយសារបញ្ហារបួសត្រៀកកាន់តែធ្វើអោយ រូបគេមានចិត្តមិនស្ងប់។មួយវិញទៀតគ្រូបង្វឹកបណ្ដោះអាសន្នរបស់ Man United លោក Ralf Rangnick បានបញ្ចាក់ផងដែរថា Ronaldo បានសម្រេចចិត្តធ្វើដំណើរ ទៅកាន់ប្រទេសព័រទុយហ្គាល់ ច្រើនជាងអង្គុយមើលការប្រកួតជាមួយ មិត្តរួមក្រុមក្នុងពេលបរាជ័យកាល ពីថ្ងៃអាទិត្យ ។
ទោះយ៉ាងណា ប្រធានក្រុមជម្រើសជាតិព័រទុយហ្គាល់រូបនេះបានវិលត្រលប់មកដល់ទីលានហ្វឹកហាត់ Carrington វិញនៅ ថ្ងៃពុធនេះ ។បើទោះបីជាមិនបានបង្ហាញខ្លួនហ្វឹកហាត់ពេញលេញនៅឡើយRonaldoនៅតែជាមន្ទិលសង្ស័យសម្រាប់ជំនួបដ៏សំខាន់នៅ Premier League នាថ្ងៃសៅរ៍ជាមួយក្រុមមាន់ខ្នាយមាស Tottenham Hotspur នាទឹកដី Old Trafford៕
ប្រភពព័ត៍មាន៖ Sportsmole
