បរទេស៖ គ្រូបង្វឹកបណ្ដោះអាសន្នក្រុមបិសាចក្រហម Man. United លោក Ralf Rangnic បានប្រាប់ក្លឹបយក្សអង់គ្លេសឱ្យស្វែងរកកីឡាករថ្មីមកជំនួសតំណែង Cristiano Ronaldo ក្នុងអំឡុងពេលទីផ្សារដោះដូរនិងបើកនៅរដូវក្តៅនេះ។ Ronaldo បានស៊ុតបញ្ចូលទី ១៥ ដងក្នុងការបង្ហាញខ្លួន ៣០ប្រកួតក្រោយវិលត្រលប់មកOld Traffordជាលើកទីពីរ រួមទាំងស៊ុតបញ្ចូលទីបាន ៦ គ្រាប់ក្នុងការបង្ហាញខ្លួន ៦ ដងនៅក្របខ័ណ្ឌ Champions League ។
កីឡាករវ័យ ៣៧ ឆ្នាំរូបនេះបានស៊ុតបាល់បញ្ចូលទីបានតែម្តងគត់ក្នុងក្របខ័ណ្ឌ Premier League ចាប់តាំងពីចុងខែធ្នូ ព្រមជាមួយការលើកឡើងថាខ្សែប្រយុទ្ធស្លាបក្រុមជម្រើសជាតិព័រទុយហ្គាល់សម្រេចចិត្តចាកចេញពីក្លឹបនៅមុនរដូវកាលថ្មីចាប់ផ្តើម ។សម្រាប់លោកRangnick នឹងត្រូវលាឈប់ពីដំណែងពេលដែលMan.Utdស្វែងរក អ្នកចាត់ការថ្មីបានហើយបុរសសញ្ជាតិ អាឡឺម៉ង់រូបនេះនឹងទទួលតួនាទីថ្មីជាក្រុមប្រឹក្សាផ្តល់យោបល់រយៈពេលពីរឆ្នាំនៅ Old Traffordបន្តទៀត ។ប្រភពពីManchester Evening News លោក Rangnic បានជំរុញឱ្យបិសាចក្រហមចុះហត្ថលេខាលើខ្សែប្រយុទ្ធជួរមុខ ថ្មីម្នាក់ព្រោះរូបលោកជឿថាបច្ចុប្បន្ន Ronaldo កំពុងរងសម្ពាធនៅក្នុងទម្រង់លេងរបស់គេ។
កីឡាករអន្តរជាតិព័រទុយហ្គាល់បានអវត្តមានពេលចាញ់ Manchester City ក្នុងក្របខ័ណ្ឌ Premier League កាលពីចុងសប្តាហ៍មុន ដោយសារបញ្ហាត្រគាក ប៉ុន្តែបានវិលត្រលប់មកហ្វឹកហាត់វិញមុនការប្រកួតថ្ងៃសៅរ៍ជាមួយក្រុម Tottenham Hotspur ដែលជាការបន្តក្តីសង្ឃឹមបន្តចង់បញ្ចប់រដូវកាលឈរនៅចំណាត់ថ្នាក់កំពូលតារាងទាំងបួន។ Robert Lewandowski របស់ Bayern Munich គឺជាគោលដៅអាទិភាពដែល Man United អាចត្រៀមចុះហត្ថលេខានាំយក កីឡាករសញ្ជាតិប៉ូឡូញដែលមានកុងត្រានៅសល់១៨ទៀតប៉ុណ្ណោះ នៅទឹកដី Allianz Arena៕
ប្រភពព័ត៍មាន៖ Sportsmole
