បរទេស៖ ភាពរឹងមាំផ្នែករាងកាយរបស់ Crystal Palace ធ្វើឲ្យពួកគេក្លាយជាក្រុមដ៏រឹងមាំ ហើយភាពមុតស្រួចរបស់ខ្សែប្រយុទ្ធ Wilfried Zaha នឹងផ្តល់ការលំបាកដ៏ធំមួយសម្រាប់ Manchester City នៅពេលដែលក្រុមទាំង២ ជួបគ្នាក្នុងក្របខ័ណ្ឌ Premier League នៅរាត្រីថ្ងៃចន្ទ។ នេះបើយោងទៅតាមការបញ្ជាក់របស់លោកគ្រូបង្វឹក Pep Guardiola។
Crystal Palace បានផ្តួលក្រុម Man City ២-០ នៅក្រៅដី កាលពីខែតុលា តាមរយៈគ្រាប់បាល់របស់ Zaha និង Conor Gallagher និងបានរងបរាជ័យត្រឹមតែ១លើកគត់ ក្នុងចំណោមការប្រកួត៨លើកចុងក្រោយរប់សពួកគេ ក្នុងរាល់យុទ្ធនាការទាំងអស់។ លោក Guardiola បានប្រាប់អ្នកយកព័ត៌មានកាលពីថ្ងៃព្រហស្បតិ៍ថា៖ «ខ្ញុំមើលឃើញពីល្បឿនរបស់ពួកគេ ភាពរឹងមាំ ការរៀបចំបានល្អ ភាពមុតស្រួចក្នុងតំបន់ប្រយុទ្ធ ជាពិសេសជាមួយ Zaha។ នៅពេដែលពួកគេផ្តោតលើការការពារ ពួកគេពិតជារឹងមាំដែលផ្តល់ការលំបាកក្នុងការបំបែក។
Selhurst Park តែងតែជាកន្លែងដ៏លំបាកក្នុងការប្រកួត។ យើងថា វាហាក់ដូចជាវគ្គផ្តាច់ព្រ័ត្រសម្រាប់យើងអ៊ីចឹង»។ អ្នកចាត់ការទូទៅរបស់ក្រុម Man City រូបនេះ ក៏កោតសរសើរដល់លោក Patrick Vieira គ្រូបង្វឹកនៃក្រុម Crystal Palace ផងដែរ ក្រោយពីធ្លាប់បានជួយឲ្យក្រុម Arsenal ឈ្នះពានលីក៣លើក និងពាន FA Cup ៤លើកក្នុងនាមជាកកីឡាករ៕
ប្រភពព័ត៌មាន៖ Channel
