បរទេស៖ ក្នុងនាមក្រុមភ្ញៀវ Atletico Madrid ​នឹងត្រូវធ្វើការប្រកួតដោយ​គ្មាន​កីឡាករជម្រើសឈុតធំ​ចំនួន​ប្រាំបី​នាក់​សម្រាប់​ការ​ប្រកួត​ជើង​ទី​ពីរ Champions League វគ្គ ១៦ក្រុម​ចុង​ក្រោយ​ជាមួយ Manchester United នៅរាត្រី​ថ្ងៃ​អង្គារឈាន​ចូលថ្ងៃពុធ​ដើមសប្តាហ៏នេះ។ខ្សែបម្រើស្លាបអន្តរជាតិបែលហ្សិក Yannick Carrasco នឹង​មិន​អាចចូលលេងដោយ​សារ​ការ​ព្យួរ​នៅ​អឺរ៉ុប ខណៈ​កីឡាករ​ប្រាំពីរ​នាក់​ផ្សេង​ទៀត​មាន​បញ្ហា​របួស​មុន​ការ​ប្រកួត​នៅទឹកដី Old Trafford។

Thomas Lemar, Sime Vrsaljko, Mario Hermoso, Geoffrey Kondogbia, Matheus Cunha និង Daniel Wass ទាំងអស់នឹងអវត្តមានក្នុងការប្រកួតនៅទីក្រុង Manchester។ទន្ទឹមនឹងនេះដែរ ខ្សែការពារកណ្តាល Jose Gimenez បានមានបញ្ហាកំភួនជើងអំឡុងពេល Atletico ឈ្នះ ក្រុម Cadiz ក្នុងក្របខណ្ឌ La Liga កាលពីថ្ងៃសុក្រ និងបន្ត​អវត្តមាន​រយៈពេលបីសប្តាហ៍បន្ទាប់។

Atletico រំពឹងការត្រលប់មកវិញរបស់ Koke ពីរបួស ហើយ Angel Correa ក៏បានជាសះស្បើយពីបញ្ហា​សុខភាព​មុនការប្រកួតជើងទីពីរ ខណៈខ្សែប្រយុទ្ធឆ្នើម Antoine Griezmann និង Luis Suarez និងមានវត្តមាន​ចូល​លេង​។ការប្រកួតវគ្គ ១៦ ក្រុមចុងក្រោយនិងមានភាពតានតឹង ក្រោយចប់ជើងទី១ស្មើគ្នាក្នុងលទ្ធផល១ទល់និង១នៅលើទឹកដី Wanda Metropolitano បន្ទាប់ពីខ្សែប្រយុទ្ធវ័យក្មេង Anthony Elanga រកបានគ្រាប់បាល់វាយ​បកតាមស្មើ​ក្នុងនាម​កីឡា​ករ​បម្រុង បន្ទាប់ពី Joao Felix បានរកគ្រាប់បាល់បញ្ចូលទីនាំមុខមុន សម្រាប់ក្រុមម្ចាស់ផ្ទះ៕

ប្រភពព័ត៍មាន៖ Sportsmole