បរទេស៖ គ្រូបង្វឹកបណ្ដោះអាសន្ន Man. United លោក Ralf Rangnick មានការពិបាកក្នុងការជ្រើសរើសខ្សែការពារកណ្តាលដើម្បីត្រៀមដាក់អោយចូលលេងក្នុងការប្រកួត ជើងទី២ វគ្គ១៦ក្រុមចុងក្រោយ Champions League នៅថ្ងៃអង្គារជាមួយក្រុមភ្ញៀវ Atletico Madrid។
Raphael Varane មានបញ្ហារបួសសច្រើន ក្នុងរដូវកាលនេះ និងបានធ្វើតេស្តវិជ្ជមាន COVID-១៩ មុនពេលបង្ហាញខ្លួនជួបជាមួយTottenham Hotspurកាលពីថ្ងៃសៅរ៍សប្តាហ៏មុន។កីឡាករសញ្ជាតិបារាំងVerane រំពឹងថានឹងអាចត្រូវដាក់អោយចូលលេងចាប់ដៃគូជាមួយប្រធានក្រុម Harry Maguire ពេលស្វាគមន៏ក្រុមលោក Diego Simeone ទោះជាយ៉ាងណាលោក Rangnick បានលើកឡើងថា Victor Lindelof ក៏ស្ថិតក្នុងការពិចារណាយ៉ាងយកចិត្តទុកដាក់ផងដែរក្រោយពីរូបគេបង្ហាញវត្តមានចូលលេងជើងទី១ក្នុងលទ្ធផលស្មើ គ្នា។
គ្រូបង្វឹកអាឡឺម៉ង់បន្តថា៖ «ឥឡូវនេះ យើងមានកីឡាករកំពូលៗ ហើយវាមិនងាយស្រួលទេសម្រាប់ខ្ញុំក្នុងការជ្រើសរើសដាក់អោយពួកគេចូលលេងក្នុងជំនួបដ៏សំខាន់នេះ ។ម្យ៉ាងទៀតការបង្ហាញខ្លួនរបស់ Victor ចូលលេងនៅ ១០ ទៅ ១៥ នាទីចុងក្រោយ គាត់លេងបានល្អ ប៉ុន្តែដូចដែលខ្ញុំនិយាយ វាជារឿងល្អដែល Rapha លេងបានពេញលេញ។ លឿនពេកហើយ ឥឡូវនេះគាត់ហាក់ មានកាយសម្បទាល្អប្រសើរ ដើម្បីបង្ហាញខ្លួនសម្រាប់ក្រុមបានទៀងទាត់ឡើងវិញ»។
គួររំលឹកថាLindelof បានចូលលេងក្នុងនាមខ្សែការពារស្លាបស្តាំ Atletico ក្នុងជើងទីមួយនៃការប្រកួតវគ្គ ១៦ក្រុមចុងក្រោយនៅ Wanda Metropolitano ប៉ុន្តែនៅទីបំផុតត្រូវបានជំនួសដោយ Aaron Wan-Bissaka ក្នុងតង់ទីពីរ៕
ប្រភពព័ត៍មាន៖ Sportsmole