បរទេស៖ អ្នកចាត់ការទូទៅក្រុមហង្សក្រហម Liverpool លោក Jurgen Klopp បានបញ្ជាក់ថា ខ្សែការពារស្លាបស្តាំ Trent Alexander-Arnoldនិងតអវត្តមានជាច្រើនសប្តាហ៍ជាមួយនឹងបញ្ហារបួសសរសៃពួរ។ កីឡាករអន្តរជាតិអង់គ្លេសវ័យ ២៣ឆ្នាំ រូបនេះបានរងរបួសអំឡុងពេលប្រកួតឈ្នះArsenalនៅក្របខណ្ឌ Premier League កាលពីថ្ងៃពុធនៅកីឡាដ្ឋាន Emirate Stadium ។
វាន័យថាArnold ក៏នឹងត្រូវអវត្តមានក្នុងការប្រកួតមិត្តភាពសម្រាប់អង់គ្លេសជាមួយនឹងស្វីស ព្រមទាំងកូតឌីវ័រនៅសប្តាហ៍ក្រោយ។លោក Klopp បានបញ្ជាក់យ៉ាងដូច្នេះថាៈ “Trent មានបញ្ហាសរសៃពួរ ដូច្នេះគាត់ក៏មិនអាចជាផ្នែកមួយនៃក្រុមតោកំណាចអង់គ្លេសនោះដែរ។មិនមែនជាដំណឹងល្អទេ យើងនឹងបន្តតាមដានថាត្រូវចំណាយពេលប៉ុន្មានដើម្បីព្យាបាលរបួសរបស់គាត់នោះទេ”។
Joe Gomez និងកីឡាករជើងចាស់ James Milner គឺជាបេក្ខភាពដែលអាចនិងដាក់អោយចូលលេងជំនួស Alexander-Arnold ប៉ុន្តែគ្រូបង្វឹកសញ្ជាតិអាឡឺម៉ង់ ទទួលស្គាល់ថាវាពិតជាពិបាកដែលរកកីឡាករមាន ជំនាញដូចជាArnold មកបំពេញតួនាទីនៅតំបន់បម្រើ-ការពារស្លាបស្តាំដូចនេះទេ។ក្រុមដែលកំពុងប្រដេញតាមក្រុមឈរកំពូលតារាងMan.City និងត្រូវធ្វើដំណើរទៅធ្វើការប្រកួតជាមួយ្ Nottingham Forest នៅក្របខណ្ឌ FA Cup វគ្គ ១/៤ ផ្តាច់ព្រ័ត្រនៅថ្ងៃអាទិត្យស្អែកនេះ៕
ប្រភពព័ត៍មាន៖ BBC