បរទេស៖ ក្រុម Benfica ត្រូវជួបការងារដ៏លំបាកមួយផ្សេងទៀត ក្នុងក្របខ័ណ្ឌ Champions League វគ្គ៨ក្រុមចុងក្រោយ នៅរាត្រីនេះ ប៉ុន្តែ ក្រោយពីបានទម្លាក់ក្រុម Barcelona និង Ajax រួចជាស្រេច មានការជឿជាក់ថា ពួកគេអាចនឹងបង្កើតឲ្យមានការភ្ញាក់ផ្អើលមួយផ្សេងទៀតពេលប៉ះជាមួយនឹងក្រុម Liverpool។
អ្នកសេ្នហាវិស័យកីឡាបាល់ទាត់ជាច្រើននាក់ បានចាត់ទុកថា ជាគូប្រកួតដ៏ងាយស្រួលបំផុត នៅពេលដែលការចាប់ឆ្នោតត្រូវបានរៀបចំឡើងនៅទីក្រុង Nyon កាលពីខែមុន ហើយអ្វីដែលគួរឲ្យចាប់អារម្មណ៍នោះគឺថា នេះគឺជាវគ្គដ៏ជ្រៅបំផុតដែលក្រុមរបស់ព័រទុយហ្គាល់មួយនេះ ឈានទៅប្រកួតក្នុងក្របខ័ណ្ឌ Champions League ក្នុងរយៈពេល៦ឆ្នាំមកនេះ។ ពេលចុងក្រោយដែលក្រុម Benfica បានឈានទៅវគ្គពាក់កណ្តាល់ផ្តាច់ព្រ័ត្រ គឺក្នុងឆ្នាំ១៩៩០ ដែលកាលនោះ ក្រុព័រទុយហ្គាល់មួយនេះ ដែលស្ថិតក្រោមការដឹកនាំរបស់លោក Sven-Goran Eriksson បានរងបរាជ័យក្នុងលទ្ធផល ១-០ ក្រោមស្នាដៃក្រុម AC Milan និងបានខកខានក្នុងការលើកពាន European Cup ជាលើកទី៣របស់ខ្លួន។
នោះគឺជាពេលវេលាចុងក្រោយដែលក្រុម Benfica ស្ថិតក្នុងចំណាត់ក្រុមខ្លាំងប្រចាំអឺរ៉ុប ហើយវានឹងក្លាយជារឿងដ៏គួរឲ្យភ្ញាក់ផ្អើល ប្រសិនបើពួកគេផ្តល់ការខកចិត្តដល់ Liverpool ដែលជាក្រុមមានក្តីសង្ឃឹមខ្ពស់ក្នុងការលើកពាន Champions League នៅរដូវកាលនេះ ជាមួយនឹងក្រុម Manchester City។ ការដណ្តើមបានលទ្ធផលដ៏គួរឲ្យកត់សម្គាល់ជាបន្តបន្ទាប់របស់ Benfica ក្នុង Champions League គឺមានភាពផ្ទុយគ្នាស្រឡះទៅនឹងក្របខ័ណ្ឌក្នុងស្រុករបស់ពួកគេ ដោយពួកគេចែកផ្លូវជាមួយនឹងលោកគ្រូបង្វឹក Jorge Jesus កាលពីខែធ្នូ ក្រោយពីការរងបរាជ័យក្នុងលទ្ធផល ៣-០ ក្រោមស្នាដៃក្រុម Porto និងឈ្នះតែ៧លើកគត់ ក្នុងចំណោមការប្រកួត១៥លើកដំបូងរបស់ពួកគេ៕
ប្រភពព័ត៌មាន៖ Channel News Asia