បរទេស៖ លោក Thomas Tuchel អ្នកចាត់ការទូទៅរបស់ក្រុម Chelsea បាននិយាយថា ក្រុមរបស់លោក «ត្រូវតែលេងឲ្យបានស៊ីសង្វាក់គ្នាបំផុត» ដើម្បីលុបចោលគ្រាប់បាល់ដេញតាមពីក្រោយ២គ្រាប់ នៅពេលប្រកួតជាមួយនឹងក្រុម Real Madrid នៅរាត្រីនេះ និងឈ្នះកៅអីទៅវគ្គពាក់កណ្តាលផ្តាច់ព្រ័ត្រនៃក្រខ័ណ្ឌ Champions League។
ក្រុមម្ចាស់ការពារតំណែងជើងឯកទ្វីបអឺរ៉ុប Chelsea បានបែកអារម្មណ៍ដោយសារតែការបង្ខំឲ្យលក់ក្លិប ក្រោយពីរដ្ឋាភិបាលចក្រភពអង់គ្លេស បានដាក់ទណ្ឌកម្មលើម្ចាស់ក្លិបគឺលោកមហាសេដ្ឋី Roman Abramovich ចំពោះការមានទំនាក់ទំនងយ៉ាងជិតស្និទ្ធិ ជាមួយនឹងប្រធានាធិបតីរុស្ស៊ីលោក Vladimir Putin ក្រោយពីការឈ្លានពានរបស់អ៊ុយក្រែន។ ការរងបរាជ័យក្នុងលទ្ធផល ៣-១ របស់ក្រុម Chelsea ក្នុងការប្រកួតជើងទី១នៃក្របខ័ណ្ឌ Stamford Bridge កាលពីសប្តាហ៍មុន បានកើតឡើង ក្រោយពីរងបរាជ័យក្នុងលទ្ធផល ៤-១ ក្រោមស្នាដៃក្រុម Brentford ក្នុងការប្រកួតក្របខ័ណ្ឌ Premier League បើទោះបី Chelsea បានស្តារមុខមាត់វិញតាមរយៈការយកឈ្នះលើក្រុម Southampton ក្នុងលទ្ធផល ៦-០ កាលពីចុងសប្តាហ៍មុនក៏ដោយ។
លោក Tuchel បានឲ្យដឹងថា៖ «វាជាការប្រជែងមួយក្នុងចំណោមការប្រជែងដ៏ធំបំផុតដើម្បីលេងឲ្យបានល្អនៅកីឡដ្ឋាន Bernabeu។ វាកាន់តែលំបាក ប្រសិនបើអ្នកត្រូវតែដណ្តើមឲ្យបានលទ្ធផលដ៏ជាក់លាក់។ ប្រសិនបើអ្នកត្រូវតែឈ្នះជាមួយនឹងគ្រាប់បាល់តិចបំផុត២គញរាប់ ឬច្រើនជាងនេះ ឬគ្រាប់បាល់នាំមុខ៣គ្រាប់ វាធ្វើឲ្យយើងកាន់តែលំបាក ប៉ុន្តែ វានៅតែមានតម្លៃក្នុងការសាកល្បង»៕
ប្រភពព័ត៌មាន៖ Channel News Asia
