បរទេស៖ លោក Erik ten Hag គ្រូបង្វឹកក្រុមបិសាចក្រហម Man. Utd មានបំណងចង់ចុះហត្ថលេខានាំយក Christian Eriksen មកកាន់ទឹកដីOld Traffordក្រោយពីរូបលោកត្រូវបានប្រកាសជាផ្លូវការណ៏ក្នុងនាមគ្រូបង្វឹកអចិន្រ្តៃយ៏ថ្មីរបស់ក្លឹបក្នុងកិច្ចសន្យា៣ឆ្នាំជាមួយជម្រើស១ឆ្នាំទៀត កាលពីពេលថ្មីៗនេះយោងគេហទំព័រ Daily Star បានចុះផ្សាយ។ រីឯកិច្ចសន្យារបស់កីឡាករអន្តរជាតិដាណឺម៉ាក Eriksen ជាមួយ Brentford នឹងត្រូវផុតកំណត់នៅចុងខែមិថុនា ស្របពេលអតីតក្លឹប Tottenham គឺនៅតែមានទំនាក់ទំនងផ្ទេរដោយមិនគិតថ្លៃដូចគ្នា ។
Ten Hak គ្រូបង្វឹកសញ្ចាតិហូឡង់នៅតែចាត់ទុកកីឡាករវ័យ ៣០ ឆ្នាំរូបនេះថាជា ការចុះហត្ថលេខាដ៏ល្អឥតខ្ចោះ ខណៈដែលរូបលោកនិងវេចបង្វិចចាកចេញពីAjax មករុះរើ និងកែទម្រង់លេងក្រុមជើងឯក ឯកអង់គ្លេស ២០ សម័យនៅចុងបញ្ចប់នៃយុទ្ធនាការនេះ។Eriksen ដែលទទួលបានការដាក់ឧបករណ៏ជំនួយបេះដូង(ICD) បន្ទាប់ពីជួបបញ្ហាគាំងបេះដូងនៅព្រឹត្តការណ៏ Euro ២០២០ ខណៈEriksen ត្រូវបានអតីតក្លឹប Inter Milan បញ្ចប់កុងត្រាមុនពេលចូលរួមជាមួយក្រុមBrentford ក្នុងខែមករាដោយគ្មានតម្លៃខ្លួន។
ធ្លាប់លេងនៅ TottenhamTottenham ចន្លោះឆ្នាំ ២០១៣ដល់ ២០២០ ដោយបង្ហាញខ្លួនបានជាង 300ប្រកួតសម្រាប់ក្លឹបភាគខាង ជើងក្រុងឡុងដ៏ មុនពេលផ្លាស់ទៅកានលីកកំពូលអ៊ីតាលី។ Eriksen នៅតែបន្តបង្ហាញទ្រង់លេងគួរអោយចាប់អារម្មណ៏នៅ Brentford ដោយស៊ុតបញ្ចូលទីបានមួយគ្រាប់ និងបញ្ជូនបាល់ឱ្យមិត្តរួមក្រុម ២ដងក្នុងការបង្ហាញខ្លួនសរុប ៧ ដងនៅក្របខ័ណ្ឌ Premier League ខណៈដែលEriksen ខ្លួនឯងបានបង្ហាញចេតនាចុះកិច្ចសន្យាថ្មីជាមួយក្រុមគ្រូបង្វឹករួមជាតិ Thomas Frank ច្រើនជាងជ្រើសរើសការ ផ្លាស់ទៅចូលរួមជាមួយអតីតគ្រូបង្វឹកយុវជនថ្នាលAjaxរបស់ខ្លួន៕
ប្រភពព័ត៍មាន៖ Sportsmole