បរទេស៖ ខ្សែប្រយុទ្ធ Karim Benzema បាននិយាយថា៖ «យើងត្រូវតែធ្វើរឿងអភិនិហារមួយ» ក្រោយពីក្រុម Real Madrid បានបង្ហាញពីទម្រង់លេងបែបស្រោចស្រង់មួយផ្សេងទៀតក្នុងការប្រកួតក្របខ័ណ្ឌ Champions League ដើម្បីរងបរាជ័យត្រឹមតែលទ្ធផល ៤-៣ ពីការប្រកួតវគ្គពាក់កណ្តាលផ្តាច់ព្រ័ត្រ ជើងទី១ ដ៏រំភើបជាមួយនឹងក្រុម Manchester City កាលពីថ្ងៃអង្គារ។
Benzema គួរតែអាចបង្កើតរាត្រីដ៏ពិសេសមួយនៅកីឡដ្ឋាន Santiago Bernabeu នៅថ្ងៃទី៤ ខែឧសភា ក្រោយពីបានស៊ុតបាល់បញ្ចូលទី២គ្រាប់ ដើម្បីធ្វើឲ្យគ្រាប់បាល់សរុបរបស់គេសម្រាប់រដូវកាលនេះ កើនឡើងដល់ ៤១គ្រាប់ ពីការប្រកួត៤១លើក។ បើគ្មានតារាឆ្នើមអន្តរជាតិបារាំងរូបនេះទេនោះ ដំណើរប្រជែងរបស់ Real ក្នុងការឈ្នះពានក្របខ័ណ្ឌកំពូលអឺរ៉ុបជាលើកទី១៤ នៅរដូវកាលនេះ ប្រហែលជាបញ្ចប់ជាយូរណាស់មកហើយ។
Benzema បានស៊ុតបាល់បញ្ចូលទី៣គ្រាប់ នៅពេលប្រកួតទាំងជាមួយនឹងក្រុម Paris Saint-Germain និង Chelsea ក្នុងការប្រកួត២ជុំចុងក្រោយ ខណៈដែល Real បានធ្វើដំណើរទៅកាន់វគ្គ៤ក្រុមចុងក្រោយ ជាលើកទី៣០។ ផ្ទុយទៅវិញ នេះគឺជាការឈានទៅវគ្គពាក់កណ្តាលផ្តាច់ព្រ័ត្រជាលើកទី៣របស់ក្រុម Man City ប៉ុន្តែ ក្រុមម្ចាស់ជើងឯកអង់គ្លេសមួយនេះ បានបង្ហាញពីសមត្ថភាពរបស់ខ្លួនក្នុងនាមជាក្រុមមានក្តីសង្ឃឹមខ្ពស់ប្រចាំយុទ្ធនាការនេះ នៅរាត្រីនាកីឡដ្ឋាន Etihad៕
ប្រភពព័ត៌មាន៖ Channel News Asia
