បរទេស៖ លោក Jurgen Klopp អ្នកចាត់ការទូទៅរបស់ក្រុម Liverpool បានចុះកុងត្រាថ្មីមួយ ដែលនឹងធ្វើឲ្យលោកបន្តដឹកនាំនៅកីឡដ្ឋាន Anfield រហូតដល់ឆ្នាំ២០២៦។
នេះបើយោងទៅតាមការប្រកាសរបស់ក្លិបស្ថិតក្នុងក្របខ័ណ្ឌ Premier League មួយនេះ កាលពីថ្ងៃព្រហស្បតិ៍។ គ្រូបង្វឹកសញ្ជាតិអាល្លឺម៉ង់រូបនេះ ដែលកិច្ចសន្យាមុនរបស់លោក នឹងត្រូវផុតកំណត់ក្នុងឆ្នាំ២០២៤នោះ បាននិយាយថា លោកពិតជារំភើបរីករាយណស់ និងដូចទទួលបានពរពីព្រះ ក្នុងការបានចុះហត្ថលេខាលើកិច្ចសន្យានេះ។ លោកបានបញ្ជាក់ថា៖ «មានចំណុចជាច្រើនដែលត្រូវស្រឡញ់កន្លែងនេះ។
ខ្ញុំបានដឹងមុនរួចទៅហើយ មុននឹងខ្ញុំបានមកទីនេះ។ ខ្ញុំបានស្គាល់កាន់តែច្បាស់ ក្រោយពីខ្ញុំមកដល់ ហើយពេលនេះ ខ្ញុំស្គាល់កាន់តែច្បាស់បន្ថែមទៀត»។ លោក Klopp បានបន្ថែមទៀតថា៖ «ដូចទៅនឹងទំនាក់ទំនងដ៏ល្អផ្សេងទៀតដែរចឹង វាតែងតែក្លាយជាវិថីមាន២ផ្លូវ ដោយអ្នកត្រូវតែមានភាពស្មោះត្រង់ទៅវិញទៅមមក។ អារម្មណ៍ដែលយើងមានភាពត្រឹមត្រូវរវាងគ្នា គឺជាអ្វីដែលនាំឲ្យខ្ញុំនៅទីនេះ ក្នុងទីតាំងទី១ ហើយនោះគឺជាមូលហេតុដែលខ្ញុំបានបន្តកុងត្រាកាលពីមុន»។ Liverpool កំពុងតែប្រមាញ់ពាន៤នៅរដូវកាលនេះ ដែលមិនធ្លាប់មានពីមុនមក។ ពួកគេបានឈ្នះពាន League Cup រួចជាស្រេច និងត្រូវប៉ះជាមួយនឹងក្រុម Chelsea ក្នុងពាន FA Cup វគ្គផ្តាច់ព្រ័ត្រ នៅខែក្រោយ៕
ប្រភពព័ត៌មាន៖ Channel News Asia
