បរទេស៖ ក្រុម Real Madrid ត្រូវបានសារព័ត៌មានជាច្រើនចេញផ្សាយថា កំពុងតែមានបំណងក្នុងការនាំយកខ្សែប្រយុទ្ធ Cristiano Ronaldo ពីក្លិប Manchester United ទៅកាន់កីឡដ្ឋាន Bernabeu ជាលើកទី២។
Ronaldo បានបង្ហាញពីទម្រង់លេងដ៏គួរឲ្យចាប់អារម្មណ៍ ក្នុងរដូវកាលដ៏ត្រដាបត្រដួសរបស់ក្រុម Man United តាមរយៈការស៊ុតបាល់បញ្ចូលទី២៣គ្រាប់ ក្នុងនោះ១៧គ្រាប់ កើតឡើងក្នុងក្របខ័ណ្ឌ Premier League ទោះបីលេងក្នុងក្រុមដែលមានទម្រង់លេងអន់ក៏ដោយ។ ប៉ុន្តែ អនាគតរបស់តារាឆ្នើមអន្តរជាតិព័រទុយហ្គាល់វ័យ៣៧ឆ្នាំរូបនេះ នៅកីឡដ្ឋាន Old Trafford កំពុងតែស្ថិតក្នុងភាពមិនច្បាស់ ក្រោយពីវិលទៅកាន់ក្លិបដែលរូបគេបានចាកចេញទៅកាន់ក្លិប Real Madrid សម្រាប់តម្លៃខ្លួនជាកំណត់ត្រាពិភពលោកកាលនោះ ចំនួន៨០លានផោន ក្នុងឆ្នាំ២០០៩ ត្រឹមតែរយៈពេល១រដូវកាល។
កាសែត The Mirror បានចេញផ្សាយថា Real កំពុងតែចាប់អារម្មណ៍ទៅលើការនាំយកកីឡាកររូបនេះត្រឡប់មកវិញ ខណៈដែល Ronaldo កំពុងតែជាបកិច្ចសន្យាជាមួយនឹង Man United រហូតដល់រដូវកាលក្រោយ ជាមួយនឹងជម្រើសបន្តរយៈពេល១ឆ្នាំទៀត។ Man United នឹងត្រូវប្រឈមមុខនឹងការជួសជូលក្រុម ក្រោមការដឹកនាំរបស់គ្រូបង្វឹកថ្មីលោក Erik ten Hag ហើយវាត្រូវបានគេយល់ឃើញថា Ronaldo មិនមានភាពច្បាស់លាស់ពីតួនាទីដែលរូបគេអាចលេងនៅ Old Trafford៕
ប្រភពព័ត៌មាន៖ Daily Mail
