បរទេស៖ Cristiano Ronaldo បានបង្ហាញពីចេតនាចង់បន្តលេងនៅ Man. Utd ខណៈដែលអតីតមិត្តរួមក្រុមលោក Dimitar Berbatov បានលើកឡើងថា អតីតមិត្តរួមក្រុមបិសាចក្រហមរូបនេះនិងអាចបន្តអាជីពបានពីបី ទៅ បួនឆ្នាំបន្តទៀតសម្រាប់ការលេងនៅកម្រិតកំពូល ប្រសិនជារូបគេនៅតែរក្សាកាយសម្បទាបានមាំមួនដូចសព្វថ្ងៃនេះ។
អតីតខ្សែប្រយុទ្ធក្រុមជម្រើសជាតិប៊ុលហ្គារី Berbatov និងកំពូលខ្សែប្រយុទ្ធស្លាបសញ្ជាតិព័រទុយហ្គាល់រូបនេះធ្លាប់លេងរួមក្លឹបជាមួយគ្នាបាន១រដូវកាល២០០៨-២០០៩ មុនពេលសម្រេចចាកចេញពីទឹកដី Old Trafford ទៅកាន់ក្លឹបអធិរាស Real Madrid ។
ទោះបីលេងរួមគ្នាបានតែ១រដូវកាលប៉ុន្តែ Berbatov បានស្គាល់ទេពកោសល្យមិនគួរឱ្យជឿរបស់Cristiano Ronaldo និង ធ្វើឱ្យពិភពបាល់ទាត់បន្តចាប់អារម្មណ៍ពី សមត្ថភាពស៊ុតបញ្ចូលទីរបស់គាត់ ខណៈការប្រកួតថ្ងៃច័ន្ទដើមសប្តាហ៏ជាមួយ Brentford ។ Berbatov បញ្ជាក់យ៉ាងដូច្នេះថាៈ និយាយឱ្យត្រង់ទៅ ខ្ញុំមិនភ្ញាក់ផ្អើលទេ គាត់នៅតែធ្វើបានល្អនិងបន្តបង្កើតកំនត់ត្រាថ្មីបានជានិច្ច។ ខ្ញុំរីករាយដែលបានលេងជាមួយគាត់រយៈពេលមួយឆ្នាំនៅ Manchester United ហើយនោះជាពេលដែលខ្ញុំដឹងពីការរៀបចំរបស់គាត់ ខ្ញុំបានដើរតានលំអានគាត់ពេញមួយអាជីពរបស់ខ្ញុំ ។គាត់ស៊ុតបាន ១៨ គ្រាប់នៅអាយុ ៣៧ ឆ្នាំ ជាមួយលីគល្អបំផុតនៅលើពិភពលោក ដូច្នេះអ្នកត្រូវតែគោរពគាត់៕
ប្រភពព័ត៍មាន៖ Besoccer
