បរទេស៖ អ្នកស៊ុតបញ្ចូលទីនាំមុខនៅក្របខណ្ឌ Premier Leagueដោយរកបាន២២គ្រាប់នៅរដូវកាលនេះ កីឡាករ Mohamed Salah និងខ្សែការពារកណ្តាល Virgil van Dijk និងមិនមានវត្តមានសម្រាប់ការប្រកួតក្របខណ្ឌ Premier League ដ៏សំខាន់នៅរាត្រីថ្ងៃអង្គារឈានចូលថ្ងៃពុធនៅលើទឹកដីក្រុម Southampton នោះទេ។
គួរបញ្ជាក់ថាកីឡាករសំខាន់ទាំងពីររូបនេះបានជួបបញ្ហារបួសពេលប្រកួតវគ្គផ្តាច់ព្រ័ត្រ FA Cup កាលពីថ្ងៃសៅរ៍ជាមួយ Chelsea នៅកីឡដ្ឋាន Wembley ដោយ Salah មានបញ្ហាក្រលៀនរីឯ Van Dijk រងរបួសជង្គង់។ គ្រូបង្វឹកក្រុមហង្សក្រហមលោក Klopp មានទំនុកចិត្តថាអ្នកទាំងពីរនឹងត្រលប់មកវិញសម្រាប់ការប្រកួតវគ្គផ្តាច់ព្រ័ត្រនៃរដូវកាលថ្ងៃអាទិត្យជាមួយនឹងក្រុម Wolves នៅកីឡដ្ឋាន Anfield ។អ្នកចាត់ការសញ្ជាតិអាឡឺម៉ង់បានលើកឡើងថាៈ ពួកគេនិងអាចវិលត្រលប់មកជួយក្រុមនៅចុងសប្តាហ៍នេះ ។ក្រៅពីកីឡាករឆ្នើមទាំងពីរLiverpool ក៏អវត្តមានខ្សែបម្រើ-ការពារប្រេស៊ីល Fabinho ក្រោយអវត្តមានការប្រកួតកាលពីថ្ងៃអង្គារដោយមានបញ្ហារបួសសាច់ដុំ ខណៈ Andy Robertson ក៏នៅតែជាមន្ទិលសង្ស័យផងដែរ។
Liverpool ដេញតាមពីក្រោយក្រុមកំពូលតារាង Premier League Manchester City ចំនួន ៣ ពិន្ទុ ជាមួយនឹងការធ្វើដំណើរទៅកាន់ Southampton ការប្រកួតរបស់ពួកគេនៅក្នុងដៃហើយប្រសិនពួកគេចាញ់នៅកីឡដ្ឋាន St Mary’s នោះក្តីសុបិន្តការពារតំណែងជើងឯកនឹងបញ្ចប់តែម្តង ។សម្រាប់ Southampton កីឡាករ Fraser Forster និង Stuart Armstrong អាចនឹងមានវត្តមាននៅសប្តាហ៍នេះ ពេលទទួលLiverpool និង Leicester នៅថ្ងៃអាទិត្យបន្ទាប់ពីអ្នកទាំងពីរបានជួបបញ្ហារបួសខ្នង និងជង្គង់ តែបានត្រឡប់មកហ្វឹកហាត់វិញកាលពីចុងសប្តាហ៍មុន ។