បរទេស៖ Man United បានបើកចំហរឪកាសចាកចេញសម្រាប់ខ្សែការពារស្លាបស្តាំ Aaron Wan-Bissaka ទៅកាន់ក្លឹបនៅលីកកំពូលអេស្បាញដោយមិនទាន់ត្រូវបានបញ្ចេញឈ្មោះមុនពេលមានការចរចារណាមួយកើតឡើងនៅរដូវក្តៅនេះយោងតាមការចុះផ្សាយរបស់ Manchester Evening News។
កីឡាករអន្តរជាតិអង់គ្លេសវ័យ ២៤ ឆ្នាំរូបនេះបានបន្តអាជីពនៅទឹកដិ Old Trafford ក្រោយចាកចេញពី Crystal Palace ក្នុងឆ្នាំ ២០១៩ ប៉ុន្តែរូបគេមិនត្រូវបានជាទីពេញចិត្តដាក់អោយលេងជម្រើស១១នាក់ដំបូងក្រោមការដឹកនាំរបស់គ្រូបង្វឹកបណ្តោះអាសន្នលោក Ralf Rangnick នោះទេ ពោលគឺកីឡាករអន្តរជាតិព័រទុយហ្គាល់ Diogo Dalot គឺជាជម្រើសដំបូងដែលមកជំនួសតំណែងBissaka ។
បើទោះបីជាមានកិច្ចសន្យារហូតដល់ឆ្នាំ ២០២៤ក៏ដោយ Wan-Bissaka ក៏នៅតែមានទំនាក់ទំនងផ្លាស់ចេញពីទឹកដី Old Traffordក្រោយត្រូវបានបញ្ជាក់ថាខ្លួនមិនមែនជាសមាជិកនៃផែនការប្រើប្រាស់របស់លោក Erik ten Hag នោះទេ។ផ្ទុយទៅវិញMan.Utdក៏អាចនិងពិចារណាអោយDalot ចាកចេញដូចគ្នាប្រសិនជាក្រុមជើងឯកអង់គ្លេស២០សម័យ ទទួលបានការដេញថ្លៃជាទឹកប្រាក់មិនតិចជាង ២៥លានយូរ៉ូនោះដែរ៕
ប្រភពព័ត៍មាន៖ Sportsmoles