Real Madrid បានបដិសេធមិនដាក់តម្លៃខ្លួនប្រមាណ១០០លានយូរ៉ូនៅលើតុចរចារសម្រាប់ការដេញថ្លៃចុះហត្ថលេខានាំយកខ្សែប្រយុទ្ធ Darwin Nunez របស់ក្លឹបBenficaមករួមក្រុមនោះទេ ។

ប៉ុន្តែយោងការចុះផ្សាយរបស់គេហទំព័រ Portuguese  Record បានឱ្យដឹងថា Liverpool មានឆន្ទៈក្នុងការចំណាយ ប្រាក់ដែល Benfica កំពុងទាមទារដូច្នេះទើបពួកគេជាក្រុមដែលកំពុងនាំមុខគេក្នុងការប្រជែងយកខ្សែប្រយុទ្ធអន្តរជាតិអ៊ុយរូហ្គាយរូបនេះមករួមក្រុម ខណៈ​សាម៉ីខ្លួនក៏ចង់លេងក្រោមការដឹកនាំរបស់អ្នកចាត់ការសញ្ជាតិអាឡឺម៉ង់លោកJurgen Kloppផងដែរ។

ទោះយ៉ាងណាកន្លងមកសម្រាប់Real Madrid ដែលជាក្រុមជើងឯកទ្វីបអឺរ៉ុប១៤សម័យធ្លាប់មានទំនាក់ទំនង​ក្នុងការផ្ទេរតម្លៃខ្លួនកីឡាករថ្លៃ​បំផុតមិន​ក្រោម​១០០លានយូរ៉ូពីសំណាក់កីឡាករ Kilyan Mbappe តែម្នាក់ប៉ុណ្ណោះ បន្ទាប់ពីសមាជិកជ័យលាភីWorld Cup ២០១៨រូបនេះបាន​បដិសេធ​ការ​ផ្លាស់​ទៅទឹកដីSantiago Bernabeuដោយយល់ព្រមបន្តកុងត្រាថ្មីជាមួយPSG៕

ប្រភពព័ត៍មាន៖ Besoccer