បរទេស៖ ចៅក្រមសហរដ្ឋអាមេរិកបានច្រានចោលបណ្តឹងចោទប្រកាន់ពីបទរំលោភសេពសន្ថវៈលើកីឡាករ Cristiano Ronaldo ដោយសារតែមេធាវីរបស់ជនជាប់ចោទពឹងផ្អែកលើឯកសារនិងភស្តុតាងមិនច្បាស់លាស់មួយចំនួនដើម្បីដាក់បន្ទុក។នាងKathryn Mayorga បានចោទប្រកាន់ថាខ្សែប្រយុទ្ធស្លាបសញ្ជាតិព័រទុយហ្គាល់បច្ចុប្បន្នកំពុងប្រកបអាជីពជាមួយក្រុមបិសាចក្រហម Man United បានចាប់រំលោភរូបនាងនៅសណ្ឋាគារមួយនាទីក្រុង Las Vegas ក្នុងឆ្នាំ ២០០៩ ។
ទោះយ៉ាងណាម្ចាស់ពានបាល់មាស៥សម័យវ័យ៣៧ឆ្នាំធ្លាប់បាន បដិសេធការចោទប្រកាន់នេះ ហើយក្រោយមកទៀតនារីម្នាក់នេះត្រូវបានរាយការណ៍ថាបានឈានដល់ការដោះស្រាយក្រៅប្រព័ន្ធតុលាការជាមួយRonaldo ក្នុងឆ្នាំ ២០១០ជាថ្នូរ ទឹកប្រាក់ខ្ទង់លានដុល្លា ក៏ប៉ុន្តែការពិតរូបនាងទទួលបានសាច់ប្រាក់ត្រឹមតែ ៣៧៥,000ដុល្លាប៉ុណ្ណោះ។
នារីដែលរងគ្រោះឈ្មោះ Mayorga បានផ្តល់ចម្លើយថាៈខណៈពេលនាងបានយល់ព្រមដំណោះស្រាយភ្លាមៗបន្ទាប់ពីឧប្បត្តិហេតុចោទប្រកាន់នោះ មូលហេតុជំងឺផ្លូវចិត្តរបស់នាង មិនបានអនុញ្ញាតឱ្យ ចូលរួមក្នុងដំណើរការសម្របសម្រួលនោះទេ ហើយនាងមានអារម្មណ៍ថាមានសម្ពាធក្នុងការទទួលយកការផ្តល់ជូនខាងលើនេះ៕
ប្រភពព័ត៍មាន៖ BBC