បរទេស៖ Cristiano Ronaldo អាចនិងចាកចេញពី Man Utd ក្រោយពីមានការចាប់អារម្មណ៏ពីសំណាក់អតីតក្លឹបយុវជនរបស់ខ្លួនគឺ Sporting Lisbon និង Roma ដែលកំពុងដឹកនាំដោយអតីតគ្រូបង្វឹកលោក Jose Mourinho យោងការចុះផ្សាយរបស់គេហទំព័រ La Repubblica របស់អ៊ីតាលីបានចុះផ្សាយ។
បរាជ័យមិនមានកៅអីទៅលេងនៅក្របខណ្ឌ Champions League បានធ្វើអោយអនាគតរបស់ម្ចាស់ពានបាល់មាស៥សម័យ វ័យ៣៧ឆ្នាំរូបនេះជួបភាពមិនច្បាស់លាស់ សម្រាប់ការបន្តអាជីពនៅទឹកដី Old Trafford ទោះបីជាប្រធានក្រុមជម្រើសជាតិព័រទុយហ្គាល់បានព្យាយាមច្រាលចោលពាក្យចចាមអារ៉ាមនៃការចាកចេញទាំងនោះក៏ដោយ។ Ronaldo បានលើកឡើងថាៈ ពិតណាស់ខ្ញុំសប្បាយចិត្តដែលបានត្រលប់មកអតីតក្លឹបដែលលើកកំពស់អាជីពរបស់ខ្ញុំ ដូច្នេះហើយវាមិនគួរឱ្យជឿ។ ខ្ញុំនៅ តែសប្បាយចិត្តខ្លាំងណាស់ដែលបាននៅទីនេះជាមួយនិងការបន្តកំណត់ត្រាដោយទទួលបានការលើកទឹកចិត្ត និងបន្តការខិតខំប្រឹងប្រែង។ ហើយពិតណាស់ Man Utd និងមិត្តរួមក្រុមរបស់ខ្ញុំបានជួយខ្ញុំគ្រប់ពេលវេលា។
ខ្សែប្រយុទ្ធស្លាប Man Utd មានកុងត្រាជាមួយក្លឹបរហូតដល់ខែមិថុនា ឆ្នាំ ២០២៣ស្របពេលក្លឹបនឹងមិនរារាំងផ្លូវប្រសិនគាត់សម្រេចចិត្តចាកចេញនោះទេ។ ទោះយ៉ាងណាRoma ដែលគ្មានកៅអីលេងនៅក្របខណ្ឌ Champions League ដូច Man Utd ដែរ ពួកគេមានត្រឹមកៅអីលេងនៅ Europa League អាណត្តិក្រោយប៉ុណ្ណោះ ក្រោយឈ្នះពានរង្វាន់ Conference League កាលពីរដូវកាលមុន ។រីឯSportingវិញក៏គឺជាក្លឹបគោលដៅមួយ ដែល Ronaldo ធ្លាប់ព្រលយពាក្យថា ចង់បញ្ចប់អាជីពនៅទីនោះមុនពេលចូលនិវត្តន៏ផងដែរ៕
ប្រភពព័ត៍មាន៖ Besoccer