បរទេស៖ ក្លិប Barcelona បានដាក់សំណើថ្មីមួយដើម្បីទិញយក Robert Lewandowski ក្នុងតម្លៃខ្លួន៣៥លានអឺរ៉ូ (ស្មើនឹង៣៧លានដុល្លារអាមេរិក) បូករួមទាំងប្រាក់ឧបត្ថម្ភនានា៥លានអឺរ៉ូទៀត ប៉ុន្តែ គេរំពឹងទុកថា ក្លិប Bayern Munich នឹងច្រានចោលសំណើនេះ។
ខ្សែប្រយុទ្ធរូបនេះ ប្តេជ្ញាចិត្តចង់ចូលរួមជាមួយនឹងក្លិប Barcelona បើទោះបីមានសំណើពីក្លិប Chelsea និង Paris Saint-Germain ក៏ដោយ ហើយរូបគេក៏បានដោយផ្ទាល់លើកិច្ចសន្យារយៈពេល៣ឆ្នាំផងដែរ។ មន្ត្រីប្រតិបត្តិរបស់ក្លិប Bayern បានបន្តបញ្ជាក់ជាសាធារណៈថា Lewandowski កំពុងតែជាប់កិច្ចសន្យារយៈពេល១ឆ្នាំទៀត និងបាននិយាយថា ពួកគេរំពឹងទុកថា Lewandowski នឹងបង្ហាញខ្លួនសម្រាប់ការហ្វឹកហាត់មុនបើករដូវកាល នៅថ្ងៃទី១២ ខែកក្កដា។ កាលពីខែមុន កីឡាកររូបនេះ បានប្រកាសថា អាជីពរបសគេនៅក្លិប Bayern ឈានដល់ទីបញ្ចប់ហើយ ហើយថា រូបគេមិនជឿជាក់ថា ក្លិបនេះ នឹងរក្សាទុករូបនេះ ដើម្បីប្រឆាំងនឹងច្ឆន្ទះរបស់គេឡើយ។
លោក Hasan Salihamidzic សមាជិកក្រុមប្រឹក្សាកីឡារបស់ក្លិប Bayern បានផ្តល់បទសម្ភាសមួយកាលពីថ្ងៃព្រហស្បតិ៍ ទី២៣ ខែមិថុនា ទៅកាន់ទូរទស្សន៍ Sky នៅអាល្លឺម៉ង់ ដែលក្នុងពេលនោះលោកទំនងជាបើកលទ្ធភាពឲ្យ Lewandowski ចាកចេញក្នុងតម្លៃដែលសមស្រប។ នៅពេលដែលត្រូវបានចោទសួរអំពីភាគរយដែលកីឡាកររូបនេះ អាចនឹងបន្តនៅ លោកបានឆ្លើយថា៖ «មកទល់ពេលនេះ ភាពច្បាស់លាស់គឺ១០០%»៕
ប្រភពព័ត៌មាន៖ The Guardian
