បរទេស៖ ក្លិបតោខៀវ Chelsea កំពុងតែត្រៀមបើកការដេញថ្លៃទិញ Raheem Sterling ក្រោយពីលោក Todd Boehly ដែលសហកម្មសិទ្ធិថ្មីរបស់ក្លិបនេះ បានប្រាប់ក្លិប Manchester City ពីបំណងរបស់លោកក្នុងការនាំយកខ្សែប្រយុទ្ធអន្តរជាតិអង់គ្លេសរូបនេះ។
លោក Thomas Tuchel ចង់បង្កើនជម្រើសក្នុងតំបន់ប្រយុទ្ធរបស់លោក ហើយ Chelsea ដែលទើបតែបាត់បង់ Petr Cech ក្នុងនាមជាទីប្រឹក្សាផ្នែកបច្ចេកទេស និងទម្រង់លេងកាលពីថ្ងៃម្សិលមិញនោះ ចង់ផ្តល់ឲ្យអ្នកចាត់ការទូទៅរបស់ពួកគេនូវមូលនិធិ ដើម្បីពង្រឹងក្រុមនៅរដូវក្តៅនេះ។ លោក Tuchel បានកំណត់ Sterling ជាគោលដៅចម្បង ហើយលោក Boehly ដែលជាកំពុងតែដឹកនាំដំណើរការនៃការទិញចូលកីឡាករថ្មីៗ បានទាក់ទងក្លិប Man City ដើម្បីបើកកិច្ចពិភ្សាលើការនាំយកកីឡាករវ័យ២៧ឆ្នាំរូបនេះ។ ក្លិបទាំង២ សុទ្ធសឹងមានច្ឆន្ទៈក្នុងការធ្វើឲ្យការផ្ទេរនេះ សម្រេចជាស្ថាពរដូចគ្នា។
Sterling ដែលនៅជាប់កិច្ចសន្យារយៈពេល១ឆ្នាំក្នុងកុងត្រារបស់គេ បានពិនិត្យមើលលើជម្រើសនានារបស់គេចាប់តាំងពីចុងរដូវកាលមុនមកម្ល៉េះ ហើយ Man City មិនរំពឹងទុកថា Sterling នៅតែក្លាយជាកីឡាករស្នូលរបស់ពួកគេនារដូវកាលក្រោយឡើយ។ គេយល់ឃើញថា តម្លៃខ្លួនក្នុងចន្លោះពី៥០ ទៅ៦០លានផោន នឹងគ្រប់គ្រាន់សម្រាប់ Man City ក្នុងការលក់ Sterling ដែលទទួលបានការធានាពីលោក Tuchel ថា រូបគេនឹងចូលលេងក្នុងជម្រើសដំបូងជាទៀងទាត់នៅ Chelsea៕
ប្រភពព័ត៌មាន៖ The Guardian