បរទេស៖ ក្លិប Chelsea កំពុងតែដាក់គោលដៅទិញខ្សែការពារកណ្តាល Presnel Kimpembe របស់ក្លិប aris Saint-Germain ក្រោយពីបានពង្រឹងតំបន់ការពាររបស់ខ្លួនតាមរយៈការយល់ព្រមលើតម្លៃខ្លួន៤០លានអឺរ៉ូ (ស្មើនឹង៤០,១៤លានដុល្លារអាមេរិក) ជាមួយនឹងក្លិប Napoli ដើម្បីទិញយកខ្សែការពារ Kalidou Koulibaly។
លោក Thomas Tuchel ចង់ទិញយកខ្សែការពារកណ្តាលចំនួន៣នាក់ ហើយលោក Todd Boehly ដែលជាប្រធានក្លិប បានបញ្ចេញប្រតិកម្មតាមរយៈការបើកកិច្ចពិភាក្សាភ្លាមៗជាមួយនឹងក្លិប Napoli ជុំវិញការនាំយក Koulibaly។ ខ្សែការពារវ័យ៣១ឆ្នាំរូបនេះ ត្រូវបានគេយល់ឃើញថា បានយល់ព្រមលើលក្ខខណ្ឌផ្ទាល់ខ្លួនរួចរាល់ហើយ ក្នុងកិច្ចសន្យារយៈពេល៤ឆ្នាំ ហើយការផ្ទេរនេះ គួរតែត្រូវបានបំពេញក្នុងពេលឆាប់ៗនេះ។
កីឡាករបន្ទាប់ដែលក្លិប Chelsea ចង់បាន គឺ Nathan Aké របស់ក្លិប Manchester City ស្របពេលដែលក្លិប កំពុងតែព្យាយាមទិញយក Kimpembe ពីក្លិប PSG ដែលត្រូវបានគេជឿជាក់ថា បើកឲ្យមានការលក់ខ្សែការពារអន្តរជាតិបារាំងរូបនេះ៕
ប្រភពព័ត៌មាន៖ The Guardian
