បរទេស៖ Ajax កំពុងដាក់សំណើរជាទឹកប្រាក់ ១០០ លានអឺរ៉ូសម្រាប់ខ្សែប្រយុទ្ធស្លាបអន្តរជាតិប្រេស៊ីលកីឡាករAntony ក្រោយត្រូវបដិសេធដោយ ក្លឹបជើងឯកហូឡង់លើកដំបូងរួចមក ខណៈលោកErik Ten Hag គឺជាអ្នកចាត់ការទូទៅម្នាក់ដែលមិនបោះបង់ឪកាស ក្នុងការតាមប្រម៉ាញ់ អតីតកូនក្រុមរូបនេះមករួមក្រុមសាជាថ្មីម្តងទៀតនោះឡើយ ។
យោងការចុះផ្សាយចុងក្រោយបំផុតរបស់គេហទំព័រ SkySports News បានលើកឡើងថា Man Utd នឹងធ្វើអ្វីៗគ្រប់យ៉ាង ដើម្បីបំពេញការចុះហត្ថលេខានាំយកអតីតយុវជនក្លឹបSao Paulo វ័យ២២ឆ្នាំរូបនេះមករួមក្រុម ខណៈក្រុមAjaxនិងពិចារណា លើសំណើរដែលមានតម្លៃមិនក្រោម១០០លានយូរ៉ូនោះទេ។
សម្រាប់ Antony កាលពីពេលថ្មីៗនេះបានសម្រេចចិត្តហ្វឹកហាត់តែម្នាក់ឯងដោយមិនចូលរួមជាមួយមិត្តរួមក្រុមក្នុងគោលបំណងបង្ហាញ ពីចេតនាចង់ផ្លាស់ទៅលេងនៅក្របខណ្ឌ Premier League ក្រោយ Man Utd បានផ្តល់សំណើរ ៨០ លានយូរ៉ូជាលើកដំបូង ស្របពេលការផ្តល់ជូននេះត្រូវបានបដិសេធដោយ Ajax ខណៈដែលពួកគេចង់បាន ២០លានយូរ៉ូ បន្ថែមទៀត៕
ប្រភពព័ត៍មាន៖ Besoccer
