បរទេស៖ ខ្សែប្រយុទ្ធស្លាបថ្មីរបស់ក្លឹប Manchester United កីឡាករ Antony បាននិយាយថា Manchester United គឺជាក្លឹបដ៏ធំជាងគេបំផុតក្នុងប្រទេសអង់គ្លេស និងជាក្លឹបដ៏មានប្រវត្តិសាស្ត្ររុងរឿងមួយនៅលើពិភពលោក។ ក្លិប Manchester United បានបំពេញការចុះហត្ថលេខាជាមួយនឹង Antony ពីក្លិប Ajax កាលពីថ្ងៃព្រហស្បតិ៍ សម្រាប់តម្លៃខ្លួនចំនួន៩៥លានអឺរ៉ូ (ស្មើនឹង៩៥លានដុល្លារអាមេរិក) ដែលនាំឲ្យរូបគេក្លាយជាកីឡាករដែលមានតម្លៃខ្លួនខ្ពស់បំផុតលំដាប់ទី៤ ក្នុងប្រវត្តិសាស្ត្រនៃក្របខ័ណ្ឌ Premier League។
ខ្សែប្រយុទ្ធអន្តរជាតិប្រេស៊ីលវ័យ២២ឆ្នាំរូបនេះ បានចុះកិច្ចសន្យាដែលមានសុពលភាពរហូតដល់ឆ្នាំ២០១៧ ជាមួយនឹងជម្រើសក្នុងការបន្តរយៈពេល១ឆ្នាំទៀត។ តម្លៃខ្លួននេះ ក៏បូកបញ្ចូលជាមួយនឹងប្រាក់ឧបត្ថម្ភចំនួន៥លានអឺរ៉ូបបន្ថែមទៀតផងដែរ។ Antony បានឲ្យដឹងក្នុងសេចក្តីថ្លែងការណ៍មួយនៅលើគេហទំព័ររបស់ក្លិប Manchester United ថា៖ «នេះគឺជាពេលវេលាដ៏អស្ចារ្យ ក្នុងអាជីពរបស់ខ្ញុំ ដែលបានចូលរួមក្នុងក្លិបមួយក្នុងចំណោមក្លិបដ៏អស្ចារ្យបំផុតក្នុងពិភពលោក»។
តម្លៃខ្លួនរបស់គេគឺជាតម្លៃខ្លួនជាកំណត់ត្រាសម្រាប់ក្លិបកីឡាករម្នាក់ក្នុងក្របខ័ណ្ឌ Eredivisie ពោលគឺច្រើនជាងតម្លៃខ្លួនចំនួន៨៦លានអឺរ៉ូរបស់ Frenkie de Jong ក្នុងពេលផ្ទេរពីក្លិប Ajax ទៅកាន់ក្លិប Barcelona កាលពី៣ឆ្នាំមុនទៀត៕
ប្រភពព័ត៌មាន៖ AFP