បាល់ទាត់៖ ក្រុម​ជើងឯក Copa America ២០០១ កូ​ឡំ​ប៊ី​បាន​បង្កើន​ការ​ហ្វឹក​ហាត់​យ៉ាង​ខ្លាំង​បន្ថែម​ទៀត​ ក្នុង​ការ​ត្រៀម​ជួប​ក្រុម​ជើងឯក World Cup ឆ្នាំ​១៩៦៦ អង់គ្លេស​រាត្រី​នេះ ​ដើម្បី​រក​បេក្ខភាព​ឡើង​ទៅ​វគ្គ ​៨​ក្រុម​ចុងក្រោយ​។
​
​ក្រោយ​ដឹកនាំ​កូន​ក្រុម​ហ្វឹកហាត់​លោក Jose Pekerman ក៏បាន​បញ្ជាក់​ពី​ស្ថានភាព​របួស​របស់​ខ្សែ​បំរើ Jame Rodriquez ផង​ដែរ​ថា​មិន​មាន​បញ្ហា​អ្វី​នោះ​ទេ​ ដូច្នេះ​កីឡាករ​វ័យ ​២៦​ឆ្នាំ​រូប​នេះ​ អាច​នឹង​បង្ហាញ​ខ្លួន​ក្នុង​ការ​ប្រកួត​យប់​នេះ ហើយ​លោក Pekerman ក៏បាន​និយាយ​ពី​ខ្សែប្រយុទ្ធ Harry Kane ដែល​ជា​ប្រធាន​ក្រុម​អង់គ្លេស​ថា ​កីឡាករ​របស់ Spurs មួយ​នេះ​គឺជា​អាវុធ​មុត​ស្រួច​របស់​លោក Gareth Southgate​។​

ក្រុម​ទាំង២ ធ្លាប់​ជួប​គ្នា​ ៥​លើក​គឺ​អង់គ្លេស​បាន​ឈ្នះ​៣​ និង​ស្មើ​ ២​ប្រកួត ហើយ​ការប្រកួត​ដែល​ស្វិតស្វាញ​ខ្លាំង​នោះ​គឺ​កាលពី​ឆ្នាំ​១៩៩៨ អង់គ្លេស​បាន​ឈ្នះ ២-០ ខណៈ​បារាំង​គឺជា​ជើងឯក ​និង​ជា​ក្រុម​ដែល​មាន​មុខ​នៅ​វគ្គ​ ៨​ក្រុម​ចុងក្រោយ​នៅ World Cup ២០១៨ នេះ​ផង​ដែរ​។​ ក្រុម​ទាំង២ នឹង​ត្រូវ​ជួប​គ្នា​នៅ​កីឡដ្ឋាន Spartak នាទី​ក្រុង Moscow ខណៈ​មួយ​គូ​ទៀត​គឺ​ស៊ុយអែត​ជួប​ស្វ៊ី​ស​នៅ​កីឡដ្ឋាន Krestovsky នៅ​ទីក្រុង Saint Petersburg៕